• ဆက်သွယ်ရန်•  မြန်မာဘာသာဌာနအကြောင်း
   

ပီကင်း shi cha hai ရေကန်ခရီး

(GMT+08:00) 2012-01-17 11:19:11

ဒီတစ်ပတ်မှာတော့ ကျွန်မတို့ ဆောင်းရာသီကျောင်းပိတ်ရက်အတွင်း သွားလည်ဖြစ်တဲ့ နေရာတစ်ခုအကြောင်း ကို ပြောပြချင်ပါတယ်။ ကြုံတုန်းတစ်ခုပြောပြချင်တာက တရုတ်နိုင်ငံမှာ ဇန်နဝါရီလဆန်းကနေ ဖေဖော်ဝါရီလ တစ်ဝက်ကျော်လောက်အထိကို ဆောင်းရာသီကျောင်းပိတ်ရက်ဆိုပြီးပိတ်တယ်လို့သိရပါတယ်။ နောက်ပြီး အဲဒီ့ကျောင်းပိတ်ရက်အတွင်းမှာ တရုတ်နှစ်သစ်ကူးကာလလည်းဖြစ်ပါတယ်။ အဲဒါကြောင့် ဒီပိတ်ရက်ဟာ တရုတ်ရိုးရာပြက္ခဒိန်အရ သတ်မှတ်တယ်လို့သိရပါတယ်။ ဒါလေးက ကြုံတုန်းဗဟုသုတလေးပါ။

အခုကျွန်မစပြောချင်တာက ဒီပိတ်ရက်အတွင်းမှာ ကျွန်မတို့အဖွဲ့တွေကို International Center ကနေ အခါ အခွင့်သင့်သလို ပီကျင်းအတွင်း ၊ ပီကျင်းအပြင် လေ့လာစရာ လည်ပတ်စရာကောင်းတဲ့နေရာတွေကို လိုက်ပို့ မယ်လို့ပြောပါတယ်။ ပထမဆုံးသွားခဲ့ရတဲ့နေရာလေးကတော့ shi cha hai လို့ခေါ်တဲ့နေရာပါပဲ။ အဲဒီ့နေရာက ပီကျင်းရဲ့ အလည်လောက်မှာရှိတယ်လို့ပြောကြပါတယ်။ ကျွန်မတို့ကျောင်းကနေ ၁ နာရီခွဲကျော်ကျော် လောက် ကားစီးရပါတယ်။  ကျွန်မတို့ကျောင်းကနေ မနက် ၈ နာရီကျော်ကျော်မှာစထွက်ခဲ့ကြပြီး shi cha hai ကို ၁၀ နာရီလောက်မှာရောက်ပါတယ်။ ဒီရာသီက ပိတ်ရက်ဖြစ်လို့ လာလည်ကြသူတွေများတဲ့အပြင် ကျွန်မတို့ သွားတဲ့ရက်က စနေနေ့ဖြစ်တော့ ဘေကျင်းတီဗွီဌာနကပါ လာပြီး မေးမြန်းတာတွေကိုတွေ့ခဲ့ရပါ တယ်။ ကျွန်မတို့အဖွဲ့ထဲမှာလည်း အာဖရိကန်နဲ့ ကိုလံဘီယာတို့ ဂျာမဏီနိုင်ငံတို့ကနေ တရုတ်ဘာသာ စကားကို လာသင်နေကြတဲ့သူတွေပါတဲ့အတွက် သူတို့ကို BTVကနေ အင်တာဗျူးမေးတာတွေလုပ်ကြပါသေး တယ်။

 ဒီနေရာရဲ့ထူးခြားတာလေးက ဒီဥယျာဉ်ထဲကို သုံးဘီးနဲ့ဆိုက်ကားခေါ်မလား ၊ စက်ဘီးလိုမျိုးမှာ နောက်တွဲ လေးပါပြီး အဲဒါလေးကိုစီးပြီး လျှောက်ကြည့်ကြရတာပါပဲ။ အဲဒီ့…လေးတစ်စီးကို နှစ်ယောက်စီးရတာဆိုတော့ ကျွန်မနဲ့ထိုင်းကတစ်ယောက် အတူတူစီးဖြစ်ကြတယ်။ စက်ဘီးစမထွက်ခင် ကျွန်မတို့အပေါ်ကို ကတီပါစောင် တစ်ထည်လာခြုံပေးတော့ နည်းနည်းထူးဆန်းနေတာပေါ့နော်။ ဒါပေမယ့် ဘာလို့လာခြုံပေးသလဲဆိုတာကို အထဲရောက်မှသိတော့တယ်။အဲဒီ့ shi cha hai ရဲ့အထဲမှာ ကျွန်မတို့ဆီက ကန်တော်ကြီးလို ၊ မန္တလေးကျုံးလို ရေကန်ကြီးတစ်ခုလုံးက ရေပြင်တစ်ခုလုံးက ရေတွေခဲနေပြီး အဲဒီ့အပေါ်မှာ ရေခဲပြင်စကိတ်စီးနေကြတဲ့သူတွေ အများကြီးကိုတွေ့ခဲ့ရတယ်။ အေးလိုက်တာက လက်ကလေးတောင် အပြင်ထုတ်မထားရဲဘူး။

 လျှောက် ကြည့်ရင်း ပထမဆုံးတစ်နေရာက ရှေးဟောင်းစာတိုက်ပေါ့နော် အဲဒီ့ကိုရောက်တယ်။ အဲဒီ့စာတိုက်ကလေးက တော်တော်စိတ်ဝင်စားစရာကောင်းတယ်။ ပို့စကတ်တွေမှာ အမှတ်တရစာတွေရေးပြီး စာတိုက်ပုံးထဲကို ထည့်ခဲ့ ကြတယ်။ အဲဒီ့ကနေ ဆက်သွားတော့ ရှေးခေတ်ကလူတွေနေခဲ့တဲ့ အိမ်တွေကို လိုက်ပြတယ်။ အဲဒီ့အိမ် တွေရဲ့ အဝင်တံခါးဝက အမှတ်အသားကို ကြည့်ပြီး ဒီအိမ်ပိုင်ရှင်ရဲ့ အဆင့်အတန်း ၊ ရာထူးတာဝန်ကိုခွဲခြားတယ် လို့လည်း သိခဲ့ရတယ်။ ဥပမာဆိုရင် အိမ်တစ်အိမ်ရဲ့ရှေ့မှာ ကျောက်သားနဲ့ထုထားတဲ့ စာအုပ်ပုံစံလေးရှိတယ်။ တံခါးရဲ့အပေါ်မှာ ဘုတုံးနှစ်ခုရှိတယ်။ အဲဒါဆိုရင် ဒီအိမ်ပိုင်ရှင်ဟာ စာပေပညာနဲ့ပတ်သက်တဲ့အရာရှိ အိမ်ဆို တာသိနိုင်တယ်လို့ ပြောပြတယ်။

ကျွန်မတို့ အဲဒီကနေ ဆက်ပြီးသွားလိုက်တာ နေ့လည်စာစားချိန်ရောက် သွားတယ်။ အဲဒီ့ shi cha hai ထဲမှာရှိတဲ့ ဟိုတယ်မှာ ကျွန်မတို့နေ့လည်စာစားဖို့ စီစဉ်ထားတယ်လို့ သိလိုက်ရပါတယ်။ နေ့လည်စာအပြင် ကျွန်မတို့မြန်မာလိုဆိုရင် ဖက်ထုပ်ပေါ့နော် အဲဒီ့ဖက်ထုပ်ကို ကိုယ်တိုင်လုပ်လို့ရတဲ့အစီအစဉ်နဲ့ မှိုခြောက်၊အသားပါးပါးလှီးထားတာလေးတွေ၊ အသီးအရွက်တွေကို ရောပြီး ကိုင်တိုင်စိတ်ကြိုက်သုပ်စားနိုင်အောင်စီစဉ်ပေးထားပါတယ်။ အဲလိုကိုယ်တိုင်လုပ်တဲ့နေရာမှာလည်း ဟိုတယ်က ကျွမ်းကျင်တဲ့စာဖိုမှူးတွေကိုယ်တိုင်သင်ပေးပြီး ကျွန်မတို့အဖွဲ့တွေ ပျော်ပျော်ပါးပါး အတူတူဖက်ထုပ်လုပ်ကြ၊ အသုပ်တွေသုပ်ကြနဲ့ အတွေ့အကြုံလည်းရ ပျော်စရာလည်းတော်တော်ကောင်းခဲ့ပါတယ်။တစ်လက်စထဲ နေ့လည်စာကို ဘူဖေးပုံစံနဲ့စားကြပါတယ်။

နေ့လည်စာစားပြီးတော့ နောက်ထပ်အစီအစဉ်တစ်ခုရှိပါသေး တယ်။ အရိပ်ရုပ်သေးလို့ခေါ်မှပေါနေ့ာ်။ ကျွန်မတို့ဆီမှာရှိတဲ့ ရုပ်သေးလိုပဲ၊ သီးသန့်စင်လေးနဲ့ကန့်လန့်ကာ နောက်ကနေ အရုပ်တွေကိုအသုံးပြုပြီး အရိပ်နဲ့ပုံဖော်တဲ့ အရိပ်ရုပ်သေးကိုပါ ပထမဦးဆုံးအကြိမ်အဖြစ် တွေ့ဖူး မြင်ဖူး ကြည့်ဖူးခဲ့ရပါတယ်။

အဲဒီ့နောက်မှာတော့ ကျွန်မတို့အဖွဲ့တွေထဲက တရုတ်စာကိုရေးနိုင်တဲ့သူတွေ အတွက် အမှတ်တရစာရေးဖို့ စီစဉ်ထားပါတယ်။ တစ်ချို့သူငယ်ချင်းတွေက သူတို့နာမည်တွေကို တရုတ်လို ရေးတတ်ကြလို့ ကိုယ်စီရေးကြပါတယ်။ ကျွန်မ ကိုယ်ကိုကိုယ် မကျေနပ်ဖြစ်မိတယ်။ တရုတ်စာမရေးတတ်လို့ လေ။ အဲဒါနဲ့ကျွန်မလည်း မြန်မာဘာသာစကားနဲ့ရေးလို့ရမလားလို့မေးလိုက်တော့ အမှတ်တရမို့ ပိုကောင်း တာပေ့ါလို့ပြောတော့ နိုင်ငံနာမည်ရယ်၊ "မင်္ဂလာပါ'' ဆိုတာနဲ့ ကျွန်မနာမည်ရယ်  ရေးခဲ့လိုက်တယ်။ တရုတ်စာ မရေးတတ်တဲ့ တခြားသူငယ်ချင်းတွေလည်း သူတို့ဘာသာစကားတွေနဲ့ အမှတ်တရလေး တွေရေးခဲ့ကြပါ တယ်။ ဒီနေ့လေ့လာရေးခရီးကတော့ ဘယ်တော့ မှ မမေ့တော့မယ့်နေ့တစ်နေ့ဆိုတာ သေချာပါတယ်။ နေ့လည် ၃ နာရီလောက်မှာ ကျွန်မတို့ shi cha hai ကနေ ပြန်လာခဲ့ကြတယ်။

 

   Webradio