• ဆက်သွယ်ရန်•  မြန်မာဘာသာဌာနအကြောင်း
   

သမိုင်းကြောင်းတွင် အဆိုးရွားဆုံး စိုင်ဘာတိုက်ခိုက်မှု(cyber attack) စင်ကာပူ ခံရ

(GMT+08:00) 2018-07-23 14:38:36

စင်ကာပူ နိုင်ငံ ကျန်းမာရေး ဝန်ကြီးဌာနနှင့် ပူးတွဲ ဆက်သွယ်ရေးနှင့် မီဒီယာရေးရာ ဝန်ကြီးဌာနတို့သည် ယခုလ ၂၀ရက်နေ့က သတင်းစာ ရှင်းလင်းပွဲ ကျင်းပရာ စင်ကာပူသည် မိမိနိုင်ငံ၏ သမိုင်းကြောင်းတွင် အတိုင်းအတာ အကြီးမားဆုံးသော စိုင်ဘာတိုက်ခိုက်မှု ခံခဲ့ရကြောင်း၊ ဟက်ကာများသည် ဝန်ကြီးချုပ် လီရှိန်လွန်း အပါအဝင် ဝေဒနာရှင် ၁သန်း၅သိန်း၏ ကိုယ်ရေး အချက်အလက်များကို ခိုးယူရရှိခဲ့ကြောင်း ပြောကြားသည်ဟု စီအာအိုင် သတင်းအရ သိရသည်။

၎င်းဝေဒနာရှင်များသည် ၂၀၁၅ခုနှစ် မေလ ၁ရက်နေ့မှ ယခုနှစ် ဇူလိုင်လ ၈ရက်နေ့အထိ စင်ကာပူ ကျန်းမာရေး ဝန်ဆောင်မှု ကုမ္ပဏီ အုပ်စု လက်အောက်မှ ဆေးရုံနှင့် ဆေးကုဌာနများတွင် ဆေးကုသမှု ခံခဲ့ရကြောင်း၊ ၄င်းတို့၏ ကိုယ်ရေးအချက် အလက်များတွင် နာမည်၊ မွေးနေ့နှင့် IDနံပါတ်နှင့် လိပ်စာစသည်များ ပါဝင်ကြောင်း၊ ထို့အပြင်၊ ဟက်ကာသည် ဝေဒနာရှင် ၁သိန်း ၆သောင်းခန့်၏ ဆေးမှတ်တမ်း အချက် အလက်များကိုလည်း ခိုးယူရရှိခဲ့ကြောင်း၊ ၄င်းစိုင်ဘာတိုက်ခိုက်မှု၏ ရည်ရွယ်ချက်မှာ ဝန်ကြီးချုပ် လီရှိန်လွန်း၏ ဆေးမှတ်တမ်း အချက်အလက်များ ခိုးယူရန်ပင် ဖြစ်ကြောင်း စင်ကာပူ အစိုးရက ဖော်ပြသည်။

စင်ကာပူ ကျန်းမာရေး ဝန်ဆောင်မှု ကုမ္ပဏီ အုပ်စုသည် စင်ကာပူ နိုင်ငံတွင် အကြီးဆုံး ဆေးဝါးကုသရေး ဝန်ဆောင်မှု ကုမ္ပဏီ အုပ်စု ဖြစ်ကြောင်း၊ စင်ကာပူ စိုင်ဘာ လုံခြုံရေး ဌာန ညွှန်ချုပ် ရွှီကြည့်ရှန်က သတင်းစာ ရှင်းလင်းပွဲတွင် ယခုအကြိမ် စိုင်ဘာတိုက်ခိုက်မှုကို အပျော်တမ်း ဟက်ကာ လုပ်သည် မဟုတ်ဘဲ ကြိုတင်ကြံစည်ပြီး ပြုလုပ်သော စိုင်ဘာတိုက်ခိုက်မှု ဖြစ်ကြောင်း ပြောကြားသည်၊ ကျန်းမာရေး ဝန်ကြီး ယန်ကျင်ရုံက ၄င်းစိုင်ဘာတိုက်ခိုက်မှုကြောင့် နိုင်ငံသားများ အပေါ် ဖြစ်ပွားသော ဆုံးရှုံးနစ်နာမှုများ အတွက် ဝန်ချတောင်းပန်ကြောင်းနှင့် ဝမ်းနည်းကြောင်း ပြောကြားသည်ဟု သတင်း ရရှိသည်။

ဝန်ကြီးချုပ် လီရှိန်လွန်းက ဟက်ကာများသည် နိုင်ငံတော် လျှို့ဝှက်ချက်ကို ရှာဖွေနိုင်ဖွယ်ရာရှိကြောင်း၊ အောက်ဆုံးအဆင့် အနေနှင့် မိမိကို ကသိကအောက် ဖြစ်စေသော အချက်အလက်ကို ရှာဖွေရရှိချင်ကြောင်း၊ ဒီလိုဆိုရင် ၄င်းတို့ကို စိတ်ပျက်စေမည် ဖြစ်ကြောင်း ၄င်း၏ လူမှုကွန်ရက်တွင် ဖော်ပြသည်။

စင်ကာပူ စိုင်ဘာ လုံခြုံရေး ဌာန၊ စမတ်နိုင်ငံနှင့် ဒီဂျစ်တယ် အစိုးရ လုပ်ငန���းအဖွဲ့နှင့် ကျန်းမာရေး ဝန်ကြီးဌာနတို့သည် ပူးပေါင်းပြီး စိုင်ဘာ လုံခြုံမှု ကာကွယ်ရေးလုပ်ငန်းကို ဘက်စုံ အားဖြည့်ဆောင်ရွက်ကြမည် ဖြစ်ကြောင်း သိရသည်။

   Webradio