တရုတ် နိုင်ငံ ဆိုင်ရာ လာအို သံအမတ်ကြီး ဗန်ဒီ ဘူသာစာဗုံက မကြာခင်က ဆင်ဟွာ သတင်းဌာနမှ သတင်းထောက်နှင့် တွေ့ဆုံရာတွင် တရုတ် ကွန်မြူနစ်ပါတီနှင့် အစိုးရသည် ဆင်းရဲမှု ပပျောက်စေရေး တိုက်ပွဲကြီးတွင် အောင်ပွဲခံခဲ့ကြောင်း၊ ယင်းအရေးကြီးသည့် အောင်မြင်မှုသည် လူသား သမိုင်းကြောင်းတွင် မရှိသလောက်ပင် ဖြစ်ကြောင်း ပြောကြားသည်။

ဗန်ဒီ ဘူသာစာဗုံက ၁၃ကြိမ်မြောက် တရုတ်ပြည်လုံးဆိုင်ရာ ပြည်သူ့ ကွန်ဂရက် ပထမအကြိမ် အစည်းအဝေးနှင့် ၁၃ကြိမ်မြောက် တရုတ်ပြည်သူ့ နိုင်ငံရေး အတိုင်ပင်ခံ ကွန်ဖရင့် ပထမအကြိမ် အစည်းအဝေး ကျင်းပစဉ် အတွင်း တရုတ် ပြုပြင်ပြောင်းလဲမှုနှင့် တံခါးဖွင့်မှု ကျင့်သုံးခဲ့သည့် နှစ် ၄၀ပြည့်မြောက်ခြင်း၊ တရုတ် စီးပွားရေး ဖွံ့ဖြိုးတိုးတက်မှု၊ တရုတ်-လာအို ပူးပေါင်းဆောင်ရွက်ရေး စသည်များနှင့် ပတ်သက်၍ သတင်းထောက် ၏မေးမြန်းချက်များကို ပြန်လည် ဖြေကြားရာတွင် ထိုသို့ ပြောကြားခြင်း ဖြစ်သည်။

၎င်းက ယခုနှစ် တရုတ် အစိုးရ လုပ်ငန်း အစီရင်ခံစာတွင် အချက်အလက် များစွာ ပါရှိကြောင်း၊ အချက် ၃ချက် အပေါ် အာရုံစိုက်သင့်ကြောင်း၊ ပထမအချက်က လွန်ခဲ့သည့် ၅နှစ် အတွင်း တရုတ် ကွန်မြူနစ်ပါတီနှင့် အစိုးရသည် ဆင်းရဲမှု ပပျောက်စေရေး တိုက်ပွဲကြီးတွင် အောင်ပွဲခံပြီး အရေးကြီး အောင်မြင်မှု ရရှိကာ ပြည်သူများ၏ နေထိုင်မှု အရည်အသွေး တိုးမြှင့်ခဲ့ကြောင်း၊ တရုတ် ဆင်းရဲသူ ဦးရေ ၆၈သန်း လျော့နည်း သွားကြောင်း၊ ဒုတိယအချက် ကတော့ တရုတ်ပြည်သည် တရုတ် ဝိသေသ ထူးခြားချက်ပါ နိုင်ငံကြီး သံတမန်ရေး လုပ်ငန်းကို ဘက်စုံ တွန်းအားပေးရေးတွင် တိုးတက်မှု ရရှိခဲ့ကြောင်း၊ တတိယအချက်က ၂၀၁၈ခုနှစ်တွင် အဓိက လုပ်ငန်းများ ဖြစ်ကြောင်း၊ ယခုနှစ်တွင် တရုတ်ပြည်သည် စီးပွားရေး တိုးနှုန်းကို ၆့၅ရာခိုင်နှုန်းခန့် ထိန်းထားရန် ရည်ရွယ်ထား ကြောင်း၊ ထို့အပြင်၊ ကျေးလက်ဒေသ ဆင်းရဲသူ ဦးရေ ၁၀သန်း နောက်ထပ် လျှော့ပေါ့ရန် ကြိုးပမ်းဆောင်ရွက်မည် ဖြစ်ကြောင်း၊ တရုတ်ပြည်သည် ယင်းရည်မှန်းချက်များကို အကောင်အထည်ဖော်နိုင်မည်ဟု ယုံကြည်ကြောင်း၊ ယင်းသည် လာအို နိုင်ငံ အတွက် ကြီးမားသော အားပေးမှုနှင့် နည်းယူလေ့လာထိုက်သော အတွေ့အကြုံဖြစ်ကြောင်းလည်း ပြောကြားသည်။