တရုတ်နိုင်ငံတော် ဥက္ကဋ္ဌ ရှီကျင့်ဖိန်သည် မတ်လ ၂၀ ရက်နေ့က ကျင်းပသော ၁၃ ကြိမ်မြောက် တရုတ်ပြည်လုံးဆိုင်ရာ ပြည်သူ့ကွန်ဂရက် ပထမ အကြိမ် အစည်းအဝေး ပိတ်ပွဲအခမ်းအနားတွင် မိန့်ခွန်း ပြောကြားပါသည်။

ရှီကျင့်ဖိန်က၊ ယခုအကြိမ် အစည်းအဝေးတွင် မိမိကို နိုင်ငံတော် ဥက္ကဋ္ဌ အဖြစ် ဆက်လက် ထမ်းဆောင်ရန် ရွေးချယ်တင်မြှောက်ပါကြောင်း၊ ကိုယ်စားလှယ်များနှင့် တိုင်းရင်းသားပေါင်းစုံမှ ပြည်သူများ မိမိအပေါ် ယုံကြည်အားထားခြင်းအတွက် ကျေးဇူး တင်ရှိပါကြောင်း ပြောကြားပါသည်။

ရှီကျင့်ဖိန်က၊ အစိုးရ ဝန်ထမ်း အားလုံးတို့သည် ရာထူး မည်သို့ပင် ကြီးစေကာမူ မိမိတို့၏ နိုင်ငံသည် တရုတ်ပြည်သူ့သမ္မတ နိုင်ငံ ဖြစ်ခြင်းကို စွဲစွဲမြဲမြဲ မှတ်ထားရကြောင်း၊ ပြည်သူများကို စိတ်နှလုံးမှာ အမြင့်ဆုံးနေရာ၌ အမြဲ ထားရကြောင်း၊ ပြည်သူများ၏ အကျိုးစီးပွါးနှင့် ချမ်းမြေ့မှုအတွက် အမြဲ ကြိုးပမ်းဆောင်ရွက်ရမည် ဖြစ်ကြောင်း ပြောကြားပါသည်။

ရှီကျင့်ဖိန်က၊ ပြည်သူများသည် သမိုင်း ဖန်တီး တည်ထောင်သူ ဖြစ်ပြီး အကယ်စင်စစ် သူရဲကောင်းပင် ဖြစ်ကြောင်း၊ ခန့်ညားထယ်ဝါသော တရုတ် အမျိုးသား ဖွံ့ဖြိုးရေး သမိုင်းသည် တရုတ်ပြည်သူများပင် ဖန်တီပေးခြင်း ဖြစ်ကြောင်း ပြောကြားပါသည်။

ရှီကျင့်ဖိန်က၊ ကြာမြင့်သော အချိန်ကာလအတွင်း တရုတ်ပြည်သူများ မွေးထုတ်၊ ဆက်ခံ၊ ပြန့်ပွါးလာသော အမျိုးသား စိတ်ဓါတ်သည် တရုတ်ပြည် ဖွံ့ဖြိုးရေးနှင့် လူသား ယဉ်ကျေးမှု တိုးတက်ရေးအတွက် စိတ်ပိုင်းဆိုင်ရာ အင်အားများကို ဖန်တီးပေးပါကြောင်း ပြောကြားပါသည်။

ရှီကျင့်ဖိန်က၊ တရုတ်ပြည်သူများသည် ကြီးမြတ်သော တီထွင်စွမ်းအား ရှိသော ပြည်သူများ ဖြစ်ပြီး သမိုင်း သက်တမ်း နှစ်ထောင်ပေါင်းများစွာအတွင် တရုတ်ပြည်သူများသည် တလျှောက်လုံးဆိုသလို ကြိုးကြိုးစားစား အလုပ်လုပ်ကြပြီး ဆန်းသစ်တီထွင်မှုများကို ပြုလုပ်ခဲ့ကြကြောင်း၊ တရုတ်နိုင်ငံတွင် လောင်စီ၊ ကွန်ဖှူးရှပ်၊ ကျွမ်စီ၊ မွန်စီ၊ စွင်းစီ၊ ဟန်ဖီစီ စသည့် ကြီးမြတ်သော ကမ္ဘာကျော် အတွေးအခေါ် ပုဂ္ဂိုလ်များ ပေါ်ထွက်ခဲ့ဖူးကြောင်း၊ စက္ကူထုတ်နည်း၊ ယမ်းဘီလူး၊ ပုံနှိပ်နည်း၊ သံလိုက်အိမ်မြှောင် အပါအဝင် လူသား ယဉ်ကျေးမှု ဖြစ်စဉ်ကို နက်ရှိုင်းစွာ သြဇာသက်ရောက်သော သိပ္ပံပညာ ဆိုင်ရာ အောင်ကျိုးရလဒ်များကို တီထွင်ခဲ့ကြောင်း၊ တရုတ် ပြည်သူ သန်း ၁၃၀၀ တို့သည် ယင်း ဆန်းသစ်တီထွင်ရေးစိတ်ဓါတ် ဆက်လက် ထွန်းကားလာစေပါက မိမိတို့သည် လူသား လောက၌ အံ့ဖွယ်ရာများကို ဆက်လက် တီထွင်းနိုင်မည်ဟု မိမိ ယုံကြည်ပါကြောင်း ပြောကြားပါသည်။

ရှီကျင့်ဖိန်က၊ တရုတ်ပြည်သူများသည် ကြိုးပမ်းအားထုတ်သော စိတ်ဓါတ် ပိုင်ရှိသော ပြည်သူများ ဖြစ်ကြောင်း၊ ရှေးပဝေသနီကတည်းကပင် တရုတ်ပြည်သူများသည် ချမ်းမြေ့မှု လိုအပ်ပါက ကြိုးပမ်းအားထုတ်ရမည်ဟု နားလည်သိရှိပါကြောင်း၊ ယနေ့ တရုတ်ပြည်သူများ ပိုင်ဆိုင်မှု မှန်သမျှ ထဲတွင် တရုတ်လူမျိုး၏ ဥာဏ်ပညာကောင်းများ စုစည်းထားပြီး တရုတ်လူမျိုးများ၏ ကြီးမားသော အနစ်နာ ခံမှုများလည်း ပါဝင်ထားကြောင်း၊ တရုတ် ပြည်သူ သန်း ၁၃၀၀ တို့သည် ကြိုးပမ်းအားထုတ်သော စိတ်ဓါတ်ဖြင့် ဆက်တိုက် ဆောင်ရွက်ပါက မိမိတို့သည် ပြည်သူပြည်သားများ ပိုမို သာယာလှပသော နေထိုင်မှု ဘဝ ဆိုင်ရာ မွန်မြတ်သော ရည်မှန်းချက်များ ဖေါ်ဆောင်နိုင်မည်ဟု မိမိ ယုံကြည် ပါကြောင်း ပြောကြားပါသည်။

ရှီကျင့်ဖိန်က၊ တရုတ်ပြည်သူများသည် သွေးစည်းညီညွတ်သော ပြည်သူများ ဖြစ်ကြောင်း၊ သမိုင်း သက်တမ်း နှစ်ထောင်ပေါင်းများစွာ အတွင်း တရုတ်ပြည်သူများသည်

တလျှောက်လုံးဆိုသလို သွေးစည်းညီညွတ်ပြီး၊ တစ်ရေတည်းသောက် တစ်ခရီးတည်း သွား၍ တိုင်းရင်းသား လူမျိုးစု ၅၆ စု တညီတညွတ်တည်း ပေါင်းစပ်ရောနှောသော သင့်မြတ်သော တိုင်းရင်းသား ဆက်ဆံမှုကို ဖြစ်တည်လာစေပါကြောင်း၊ ယနေ့တွင် တရုတ် နိုင်ငံသည် ကမ္ဘာကြီး တစ်ရပ်လုံး အာရုံစူးစိုက်လောက်အောင် ကြီးမြတ်သော ဖွံ့ဖြိုး တိုးတက်မှု ရရှိပြီ ဖြစ်ပြီး ယင်းသည် တစ်ပြည်လုံး တိုင်းရင်းသား ပေါင်းစုံ တက်ညီလက်ညီ ကြိုးပမ်းဆောင်ရွက်မှု၏ ရလဒ်ပင် ဖြစ်ကြောင်း၊ တရုတ်ပြည်သူ သန်း ၁၃၀၀ ကျော်တို့သည် သွေးစည်းညီညွတ်ရေးစိတ်ဓါတ် ထွန်းကားအောင် ဆောင်ရွက်ပါက မိမိတို့သည် ရဲဝံ့ပြီး တောင့်တင်းသော အင်အား ဖြစ်လာနိုင်မည်ဟု မိမိ ယုံကြည်ပါကြောင်း ပြောကြားပါသည်။

ရှီကျင့်ဖိန်က၊ တရုတ်ပြည်သူများသည် မွန်မြတ်သော အိပ်မက် ရှိကြသော ပြည်သူများ ဖြစ်ကြောင်း၊ တောင် ဘယ်လောက်ပင် မြင့်မြင့် အပေါ်သို့ တက်ပါက ထိပ်သို့ကို ရောက်နိုင်သလို လမ်း ဘယ်လောက်ပင် ရှည်ရှည် ဇွဲရှိရှိနှင့် သွားပါက အဆုံးတိုင်ကို ရောက်နိုင်ပါကြောင်း၊ ခေတ်နီးပိုင်းတွင် တရုတ် အမျိုးသား မွန်မြတ်သော ရှင်သန်ရေး ဖေါ်ဆောင်ရန်မှာ တရုတ် အမျိုးသား၏ ကြီးမြတ်သော အိပ်မက် ဖြစ်လာပြီ ဖြစ်ပြီး တရုတ်အမျိုးသားသည် ယင်း အိပ်မက်အတွက် နှစ် ၁၇၀ ကျော်ကြာ ဆက်တိုက် ကြိုးပမ်းအားထုတ်ခဲ့ကြောင်း၊ တရုတ် ပြည်သူ သန်း ၁၃၀၀ ကျော်တို့သည် ယင်း မွန်မြတ်သော အိပ်မက် စိတ်ဓါတ် ထွန်းကားအောင် ဆောင်ရွက်ပါက မိမိတို့သည် အမျိုးသား မွန်မြတ်သော ရှင်သန်ရေး ဖေါ်ဆောင်နိုင်မည်ဟု မိမိ ယုံကြည်ပါကြောင်း ပြောကြားပါသည်။

ရှီကျင့်ဖိန်က၊ တရုတ်နိုင်ငံသည် အလုပ်သမား လူတန်းစား ဦးဆောင်သော၊ အလုပ်သမားနှင့် လယ်သမားများ မဟာမိတ်ကို အခြေခံ အဖြစ် ထားသော ပြည်သူ့ ဒီမိုကရေစီ စီမံအုပ်ချုပ်သော ဆိုရှယ်လစ်နိုင်ငံ ဖြစ်ပြီး ပြည်သူများသည် နိုင်ငံတော် အာဏာကို ပိုင်ဆိုင်ပါကြောင်း၊ မိမိတို့သည် ပြည်သူများ အာရုံအစိုက်ဆုံးသော လက်တွေ့ကျ အကျိုးစီးပွါးဆိုင်ရာ ပြဿနာများကို အစွမ်းကုန် ဖြေရှင်းပေးမည် ဖြစ်ကြောင်း ပြောကြားပါသည်။

ရှီကျင့်ဖိန်က၊ ပြည်သူပြည်သားများ ယုံကြည်စိတ်ရှိမှ နိုင်ငံတော်သည် အနာဂတ် ပိုင်ဆိုင် နိုင်မည် ဖြစ်ကြောင်း၊ တရုတ် ထူးခြားချက် ဝိသေသ ပါရှိသောဆိုရှယ်လစ်သည် ခေတ်သစ်သို့ ဝင်ရောက်ပြီ ဖြစ်ပြီး တရုတ် ထူးခြားချက် ဝိသေသ ပါရှိသော ဆိုရှယ်လစ် လမ်းကြောင်း၊ သဘောတရား၊ စနစ်နှင့် ယဉ်ကျေးမှုများသည် ရှင်သန် ဖွံ့ဖြိုးလျက် ရှိကြောင်း ပြောကြားပါသည်။

ရှီကျင့်ဖိန်က၊ ဆိုရှယ်လစ်မှ တရုတ်ပြည်ကို ကယ်နိုင်ပြီး တရုတ် ထူးခြားချက် ဝိသေသ ပါရှိသော ဆိုရှယ်လစ်ကို စွဲကိုင် မှသာ တရုတ် အမျိုးသား ရှင်သန်မှုကို ဖေါ်ဆောင်နိုင်မည်ဟု သမိုင်း အဖြစ်မှန်များက သက်သေ ထောက်ပြနေပြီး နောင်တွင်လည်း ဆက်လက် သက်သေ ထောက်ပြမည် ဖြစ်ကြောင်း၊ တရုတ်ကွန်မြူနစ်ပါတီ ၁၉ ကြိမ်မြောက် ပြည်လုံးဆိုင်ရာ ကိုယ်စားလှယ်များ ညီလာခံတွင် အသင့်အတင့် ချမ်းသာသော လူ့ဘောင်အဖွဲ့အစည်း နေထိုင်မှုဘဝ ထူထောင်ရေး၊ ဆိုရှယ်လစ် ခေတ်မီ နိုင်ငံတော် ဘက်စုံ တည်ထောင်ရေးနှင့် အမျိုးသား ရှင်သန်ရေး စီမံကိန်းများကို ရေးဆွဲချမှတ်ထားကြောင်း ပြောကြားပါသည်။

ရှီကျင့်ဖိန်က၊ မိမိတို့သည် တရုတ်ပြည် ဖွံ့ဖြိုးတိုးတက်ရေး အခြေအနေသစ်နှင့် လိုက်လျောညီထွေပြီး ခေတ်သစ်တွင် တရုတ် ထူးခြားချက် ဝိသေသ ပါရှိသော ဆိုရှယ်လစ် လုပ်ငန်း အခန်းကဏ္ဍသစ်ကို ဖွင့်လှစ်ရမည် ဖြစ်ကြောင်း ပြောကြားပါသည်။

ရှီကျင့်ဖိန်က၊ မိမိတို့၏ ရည်မှန်းချက်မှာ ယခု ရာစု အလယ်ပိုင်းတွင် တရုတ် နိုင်ငံကို ချမ်းသာပြီး ဒီမိုကရေစီ ကျသော ယဉ်ကျေးပြီး သင့်မြတ် သာယာသော ဆိုရှယ်လစ် ခေတ်မီ အင်အားကြီး နိုင်ငံ ထူထောင်ရန် ဖြစ်ကြောင်း ပြောကြားပါသည်။

ရှီကျင့်ဖိန်က၊ မိမိတို့သည် ပြုပြင်ပြောင်းလဲရေးလုပ်ငန်းကို ဘက်စုံ ဇောက်ချ ပြုလုပ်ရမည် ဖြစ်ပြီး တံခါးဖွင့်ရေး လုပ်ငန်းကို တိုးချဲ့ ဆောင်ရွက်ရမည် ဖြစ်ကြောင်း ပြောကြားပါသည်။

ရှီကျင့်ဖိန်က၊ မိမိတို့သည် ဆိုရှယ်လစ် ဒီမိုကရေစီ လုပ်ငန်းကို တွန်းအားပေးရန် ပိုမို ထိရောက်စွာ ဆောင်ရွက်ရမည် ဖြစ်ပြီး ဥပဒေ စိုးမိုးရေး ဆိုရှယ်လစ်နိုင်ငံ ထူထောင်ရေးကို တွန်းအားပေးရမည် ဖြစ်ကြောင်း ပြောကြားပါသည်။

ရှီကျင့်ဖိန်က၊ မိမိတို့သည် တရုတ်နိုင်ငံကို ဆိုရှယ်လစ် ယဉ်ကျေးမှု နိုင်ငံကြီး ဖြစ်လာအောင် ပိုမို ထိရောက်စွာ တွန်းအားပေး ဆောင်ရွက်ရမည် ဖြစ်ကြောင်း ပြောကြားပါသည်။

ရှီကျင့်ဖိန်က၊ မိမိတို့သည် ပြည်သူလူထု နေထိုင်မှုဘဝ တိုးတက် ကောင်းမွန် လာအောင် တွန်းအားပေး ဆောင်ရွက်ရမည် ဖြစ်ကြောင်း ပြောကြားပါသည်။

ရှီကျင့်ဖိန်က၊ မိမိတို့သည် ဂေဟစနစ် တည်ဆောက်ရေးလုပ်ငန်းကို ပိုမို ထိရောက်စွာ တွန်းအားပေးရမည် ဖြစ်ကြောင်း ပြောကြားပါသည်။

ရှီကျင့်ဖိန်က၊ မိမိတို့သည် တရုတ်ကွန်မြူနစ်ပါတီက ပြည်သူ့တပ်မတော် အပေါ် အကြွင်းမဲ့ ခေါင်းဆောင်ခြင်းကို စွဲကိုင်ရမည် ဖြစ်ကြောင်း ပြောကြားပါသည်.

ရှီကျင့်ဖိန်က၊ မိမိတို့သည် တိုင်းပြည် တစ်ပြည် စနစ် နှစ်မျိုး၊ ဟောင်ကောင်ကို ဟောင်ကောင်သူဟောင်ကောင်သားများ စီမံအုပ်ချုပ်ရေး၊ မကာအိုကို မကာအိုသူ မကာအိုသားများ စီမံအုပ်ချုပ်ရေးနှင့် အဆင့်မြင့် ကိုယ်ပိုင်အုပ်ချုပ်ရေး မူဝါဒများကို ဘက်စုံ မှန်ကန်စွာ ဖေါ်ဆောင်ရမည် ဖြစ်ကြောင်း ပြောကြားပါသည်။

ရှီကျင့်ဖိန်က၊ နိုင်ငံတော် အချုပ်အခြာအာဏာပိုင်မှုနှင့် နယ်မြေ တည်တံ့ပြည့်စုံမှုကို ထိန်းသိမ်းပြီး အမိနိုင်ငံ လုံးဝ တစ်ပေါင်းတစ်စည်းတည်း ဖြစ်ရေးသည် တရုတ် အမျိုးသား တစ်ရပ်လုံး၏ တူညီသော ဆန္ဒ ဖြစ်ကြောင်း ပြောကြားပါသည်။

ရှီကျင့်ဖိန်က၊ တရုတ်နိုင်ငံသည် လူသား ငြိမ်းချမ်းရေးနှင့် ဖွံ့ဖြိုးရေးအတွက် အတတ်နိုင်လုံး အကျိုးပြု စွမ်းဆောင်ပေးလိုပါကြောင်း ပြောကြားပါသည်။

ရှီကျင့်ဖိန်က၊ တရုတ်နိုင်ငံသည် ငြိမ်းချမ်းရေး၊ ဖွံ့ဖြိုးရေး၊ ပူးပေါင်းဆောင်ရွက်ရေးနှင့် အပြန်အလှန် အကျိုးရှိစေရေး အလံကို ကိုင်ထားပြီး ငြိမ်းချမ်းစွာ ဖွံ့ဖြိုးရေး လမ်းကြောင်း အတိုင်း ဦးလည်မသုန် တက်လှမ်းမည် ဖြစ်၍ အပြန်အလှန် အကျိုးရှိစေသော တံခါးဖွင့်ရေး မဟာဗျူဟာကို ကျင့်သုံးမည် ဖြစ်ကြောင်း ပြောကြားပါသည်။

ရှီကျင့်ဖိန်က၊ တရုတ်ကွန်မြူနစ်ပါတီ ခေါင်းဆောင်မှုသည် တရုတ် ထူးခြားချက် ဝိသေသ ပါရှိသော ဆိုရှယ်လစ်၏ အရင်းခံ အကျဆုံး ဝိသေသ ဖြစ်ကြောင်း ပြောကြားပါသည်။

ရှီကျင့်ဖိန်က၊ တရုတ်ကွန်မြူနစ်ပါတီသည် ပြည်သူများကို ဦးဆောင်ပြီး မွန်မြတ်သော လူမှုရေး တော်လှန်းရေး တာဝန်များကို ထမ်းဆောင်ရမည် ဖြစ်ကြောင်း ပြောကြားပါသည်။

ရှီကျင့်ဖိန်က၊ ခေတ်သစ်သည် လူတိုင်း၏ ခေတ်သစ် ဖြစ်ပြီး လူတိုင်းသည် ခေတ်သစ်၏ မျက်မြင်သူ၊ ရှေ့ဆောင်သူ၊ တည်ဆောက်သူပင် ဖြစ်ကြောင်း၊ သွေးစည်းညီညွတ်ပြီး လက်တွဲ ကြိုးပမ်းပါက တရုတ်ပြည်သူများ၏ အိပ်မက် ဖေါ်ဆောင်ရန် ဖြစ်စဉ်ကို မည်သူမှ တားမြစ်နိုင်မည် မဟုတ်ကြောင်း ပြောကြားပါသည်။