တရုတ်ပြည်သည် ဆင်းရဲမှု ပပျောက်စေရေးကို အင်တိုက်အားတိုက် ဆောင်ရွက် နေကြောင်း၊ ယခုလ ၇ရက်နေ့က ၁၂ကြိမ်မြောက် တရုတ် ပြည်လုံးဆိုင်ရာ ပြည်သူ့ ကွန်ဂရက် ပဉ္စမအကြိမ် အစည်းအဝေးတွင် ဆင်းရဲမှု ပပျောက်စေရေးနှင့် ပတ်သက်၍ သီးသန့်သတင်းစာ ရှင်းလင်းပွဲကို ကျင်းပခဲ့ကြောင်း၊ ယင်းသည် ပြည်လုံးဆိုင်ရာ ပြည်သူ့ ကွန်ဂရက် နှစ်ပတ်လည် အစည်းအဝေးတွင် ဆင်းရဲမှု ပပျောက်စေရေးနှင့် ပတ်သက်၍ ပထမဆုံးအကြိမ် ကျင်းပခြင်း ဖြစ်ကြောင်း၊ ၄င်းသတင်းစာ ရှင်းလင်းပွဲတွင် နိုင်ငံတော် ကောင်စီ ဆင်းရဲမှု ပပျောက်စေရေးရုံး ဥက္ကဋ္ဌ လျူယုံဖူက ပြည်တွင်းပြည်ပ သတင်းထောက် များ၏မေးမြန်းချက်ကို ပြန်လည် ဖြေကြားရာ၌ တရုတ်ပြည် အနေနှင့် ပြည်တွင်း ဆင်းရဲမှု ပပျောက်စေရေး ကောင်းမွန်စွာ ဆောင်ရွက်နိုင်သည့် အခြေခံပေါ်တွင် ဆင်းရဲမှု လျှော့ပေါ့ ရေးဆိုင်ရာ နိုင်ငံတကာ ပူးပေါင်းဆောင်ရွက်မှုများကို အားဖြည့်ဆောင်ရွက်ပြီး အာဆီယံနှင့် ဆင်းရဲမှု လျှော့ပေါ့ရေး ဆိုင်ရာ ပူးပေါင်းဆောင်ရွက်မှုများကို တစ်ဆင့်တိုးချဲ့ဆောင်ရွက် မည်ဖြစ်ကြောင်း ပြောကြားသည်။ တရုတ်ပြည်လုံးဆိုင်ရာ ပြည်သူ့ ကွန်ဂရက်နှင့် ပြည်သူ့ နိုင်ငံရေး အတိုင်ပင်ခံ ကွန်ဖရင့် နှစ်ပတ်လည် အစည်းအဝေး ၂ခု အပေါ် အာရုံစိုက်ကြသော အာဆီယံ နိုင်ငံများမှ ပုဂ္ဂိုလ်များ၊ ပညာရှင်များနှင့် သတင်းထောက်များသည် စီအာအိုင် သတင်းထောက်နှင့် တွေ့ဆုံခဲ့ရာ အာဆီယံနိုင်ငံများ၏ ဆင်းရဲမှု ပပျောက်စေရေး အတွက် တရုတ်ပြည်မှ ကူညီပံ့ပိုးမှုပေးခြင်း အပေါ် များစွာ ချီးကျူးကြောင်း ဖော်ပြသည်။

မြန်မာ-တရုတ် ချစ်ကြည်ရေး အသင်း ဥက္ကဋ္ဌ ဦးစိန်ဝင်းအောင်က မကြာခင်နှစ်များက မြန်မာ-တရုတ် ချစ်ကြည်ရေး အသင်းသည် မြန်မာနိုင်ငံ၏ ပညာရေး ဖွံ့ဖြိုးတိုးတက်မှု အတွက် တလျှောက်လုံး ကြိုးပမ်းဆောင်ရွက်ပြီး တရုတ်နှင့် မြန်မာ နှစ်နိုင်ငံ အကြား ပညာရေး ပူးပေါင်းဆောင်ရွက်မှုများတွင်လည်း တက်ကြွစွာ ပါဝင်ဆောင်ရွက်ကြောင်း ပြောကြားသည်။

၎င်းက မြန်မာနှင့် တရုတ် နှစ်နိုင်ငံ အကြား အသက်မွေးဝမ်းကျောင်း ပညာရေး နယ်ပယ်တွင် ပူးပေါင်းဆောင်ရွက်မှု ပြုလုပ်ခြင်းသည် ပညာသင်စရိတ်မတတ်နိုင်သည့် ထူးချွန်သော ကျောင်းသူကျောင်းသား အချို့ အတွက် သင်ယူလေ့လာရေး အခွင့်အလမ်း များဖန်တီး ပေးနိုင်ရုံသာမကဘဲ မြန်မာ့ စီးပွားရေးနှင့် လူမှုရေး ဖွံ့ဖြိုးတိုးတက်မှု အတွက် လိုအပ်သော လူ့စွမ်းအား အရင်းအမြစ်များကို ပြုစုပျိုးထောင်ပေးနိုင်မည် ဖြစ်ကြောင်းလည်း ပြောကြားသည်။

လာအို နိုင်ငံ Pathet Lao သတင်းဌာနမှ သတင်းထောက်ဖြစ်သည့် Lamnguen Keovichitက မကြာခင်နှစ်များက တရုတ်နှင့် လာအို နှစ်နိုင်ငံတို့ ကျေးလက် ဒေသ ဖွံ့ဖြိုးတိုး တက်ရေးနှင့် ဆင်းရဲမှု လျှော့ပေါ့ရေး နယ်ပယ်များတွင် အကျိုးဖြစ်ထွန်းမှုရှိသော ပူးပေါင်း ဆောင်ရွက်မှုများကို ပြုလုပ်ရာ အောင်မြင်မှုများ ရရှိခဲ့ကြောင်း၊ လာအိုနိုင်ငံ၏ ကျွမ်းကျင်သူများ လေ့ကျင့်ပျိုးထောင်ပေးရေး၊ ဆင်းရဲမှု ပပျောက်စေရေး အတွေ့အကြုံ အတူမျှဝေခံစားရေး နှင့်ဆင်းရဲမှု လျှော့ပေါ့ရေး အစီအစဉ်များအတွက် ကူညီထောက်ပံ့ရေး အပါအဝင် လာအို ကျေးလက် ဒေသ ဖွံ့ဖြိုးတိုးတက်ရေးနှင့် ဆင်းရဲမှု လျှော့ပေါ့ရေး လုပ်ငန်း အတွက် အရေးကြီးသော အကျိုးပြုစွမ်းဆောင်မှု ပြုလုပ်ခဲ့ကြောင်း ပြောကြားသည်။

ကမ္ဘောဒီးယား ငြိမ်းချမ်းရေးနှင့် ဖွံ့ဖြိုးတိုးတက်ရေး သုတေသန အကယ်ဒမီ သုတေသီ၊ ကမ္ဘောဒီးယား ဒုဝန်ကြီးချုပ်၏ အတိုင်ပင်ခံ အရာရှိ Chap Sotharithက မကြာခင် နှစ်များက ကမ္ဘောဒီးယား၏ နှစ်စဉ် ပျမ်းမျှ ဂျီဒီပီ တိုးနှုန်းမှာ ၇ရာခိုင်နှုန်းရှိကြောင်း၊ နှစ်စဉ် ပျမ်းမျှ ဆင်းရဲမှု လျှော့ပေါ့ရေးနှုန်းမှာ ၁ရာခိုင်နှုန်းရှိကာ လက်ရှိအချိန်အထိ ဆင်းရဲမှုနှုန်းမှာ ရာခိုင်နှုန်း ၂၀အထိ ကျဆင်းသွားခဲ့ကြောင်း၊ ယင်းအောင်မြင်မှုများ ရရှိခြင်းသည် ကမ္ဘော ဒီးယား၏ ဆင်းရဲမှု လျှော့ပေါ့ရေး လုပ်ငန်း အတွက် တရုတ်ပြည် အပါအဝင် နိုင်ငံများမှ ကူညီပံ့ပိုးမှုပေးခြင်းနှင့် ခွဲမရကြောင်း ပြောကြားသည်။