တရုတ်ပြည်လုံးဆိုင်ရာ ပြည်သူ့ကွန်ဂရက် နှစ်ပတ်လည်အစည်းအဝေးကို ယခုလ ၅ ရက်နေ့က ပီကင်း၌ စတင် ကျင်းပခဲ့သည်။ ဝန်ကြီးချုပ် လီခေ့ချန်သည် အစိုးရလုပ်ငန်း အစီရင်ခံစာကို တင်ပြရာ၌ ယခုနှစ် ဖွံ့ဖြိုးတိုးတက်ရေးဆိုင်ရာ အဓိက ရည်မှန်းချက်သည် ဂျီဒီပီ တိုးတက်နှုန်းကို ၆့ ၅ ရာခိုင်နှုန်း ဝန်းကျင်တွင် ရှိစေရန် ဖြစ်ကြောင်း ပြောကြား ခဲ့သည်။
တရုတ်နိုင်ငံတော်ကောင်စီ အကြံပေးရုံး အထူး သုတေသီ ယောင်ကျင်ယွမ်က၊ ၂၀၁၇ ခုနှစ် စီးပွါးရေး တိုးတက်နှုန်းကို ၆့ ၅ ရာခိုင်နှုန်း ဝန်းကျင်တွင် သတ်မှတ်ထားခြင်းသည် တရုတ်ပြည်၏ အသင့်အတင့် ချောင်လည်သော နေထိုင်မှုဘဝ ဆိုင်ရာ ရည်မှန်းချက်နှင့် ဆက်နွှယ်ထားမည် ဖြစ်ကြောင်း၊ ယင်းသည် တရုတ်အစိုးရ၏ တည်ငြိမ်မှုထဲတွင် တိုးတက်မှု ရှာကြံရန် စီမံချက်ကို ပြသနေကြောင်း သုံးသပ်ထားပါသည်။
အစိုးရလုပ်ငန်း အစီရင်ခံစာတွင်၊ ၂၀၁၇ ခုနှစ် မြို့ပြ အလုပ်အကိုင်နေရာသစ် ၁၁ သန်း တိုးစေရန်နှင့် မြို့ပြ အလုပ်လက်မဲ့မှုနှုန်း ၄့ ၅ ရာခိုင်နှုန်းထက် မကျော်ရန် ရည်မှန်းချက်ကိုလည်း တင်ပြထားသည်။ ယင်းနှင့် ပတ်သက်ပြီး တရုတ် ပြည်သူ့တက္ကသိုလ် နိုင်ငံတကာ ငွေကြေးရေးရာ သုတေသနဌာန ဒုဌာနမှူး ရှန့်စွန်းကျာက၊ တရုတ်ပြည်၏ အလုပ်အကိုင်နေရာချထားရေးဆိုင်ရာ ပြဿနာသည် စီးပွါးရေး ဖွဲ့စည်းပုံ ပြုပြင်ပြောင်းလဲမှု ဖြစ်စဉ်မှာ အလုပ်လက်မဲ့မှု ဖြစ်လာခြင်း ဖြစ်ပြီး အလုပ်အကိုင် နေရာချထားမှု တိုးမြှင့်ခြင်းသည် စီးပွါးရေး ဖွဲ့စည်းပုံဆိုင်ရာ ပြဿနာများ ဖြေရှင်းပေးရေး အတွက် အကျိုး ရှိနိုင်မည် ဖြစ်ကြောင်း သုံးသပ်ထားပါသည်။
