လကဆုန်သည် ပူပြင်းသောနွေရာသီရဲ့ လတစ်လပဲဖြစ်ပါတယ်။ ' တန်ခူးရေကုန်၊ကဆုန်ရေခန်း' ဆိုတဲ့စကားနဲ့အညီ အပူရှိန်အားကောင်းနေဆဲပင်၊ ရာသီပန်းလေးကတော့ စကားပန်းလေးပေါ့၊ ကဆုန်လရဲ့ အဓိပ္ပါယ်ကား- ရေသွန်းလ၊ ရေဖျန်းလ၊ ရေလောင်းလ ဆိုပြီး အဓိပ္ပါယ်ကောက်ယူ ရမယ်လို့လည်း မှတ်သားခဲ့ဖူးပါတယ်။

ပညာရှိများက ဒီလရာသီကို ရတု၊ရကန်၊လေးချိုးစတဲ့ ကဗျာပုံစံမျိုးစုံစွာနဲ့ စာပန်းချီခြယ်မှုန်းခဲ့ကြ ပါတယ်။ ကဆုန်လဟာဆိုရင် ပြိဿရာသီဖြစ်သလို၊ ၀ိသာခါနက္ခတ်နှင့်စန်းယှဉ်ကြည့်ကာ ကြတ္တိကာနက္ခတ်နှင့်နေမင်းတို့လည်း ယှဉ်ပါတယ်လို့ ဖတ်ခဲ့ဖူးပါတယ်။

ကဆုန်လပြည့်နေ့သည် ဗုဒ္ဓမြတ်စွာဘုရားရှင်ရဲ့ နေ့ထူးနေ့မြတ်ပင်ဖြစ်ခဲ့သည်ကို…

" သန္ဓေယူကာ၊ဆယ်လကြာသော်၊မဟာသက္ကရာဇ်၊ခြောက်ဆယ့်ရှစ်ကြုံ၊ကဆုန်လပြည့်၊

သောကြာနေ့ဝယ်၊ချမ်းမြေ့စုံစီ၊လုမ္ဗိနီ၌၊မဟီလှိုက်ဆူ၊ဖွားတော်မူသည်…"

ဟု မြတ်စွာဘုရားရှင်သည် သောကြာနေ့တွင် ဖွားမြင်တော်မူခဲ့ပါတယ်။

" တောရပ်မြိုင်ပေါ်၊ခြောက်နှစ်ပျော်၍၊ခါတော်တပုံ၊ပွင့်ချိန်ကြုံက၊ကဆုန်လပြည့်၊ဆင်မင်းနေ့ဝယ်၊

  မြေ့ပရမေ၊ပလ္လင်ဗွေထက်၊ရွှေညောင်တော်ကြီး၊ဗိတာန်ထီးနှင့်၊မငြီးကြည်ဖြူ၊နေတော်မူလျက်၊

  ရန်မြူခပင်း၊အမိုက်သင်းကို၊အရှင်းပယ်ပျောက်၊အလင်းပေါက်က၊ထွန်းတောက်ဘုန်းတော်၊ 

   သောင်းလုံးကျော်သည်…"

ဟုဘုရားရှင်သည် ဗုဒ္ဓဟူးနေ့တွင် သဗ္ဗညုတဥာဏ်တော်ကြီးကိုရရှိတော်မူခဲ့ပါတယ်။

" တရားနတ်စည်၊ဆော်ရွမ်းလည်က၊သုံးမည်ဘုံသိုက်၊တစ်သောင်းတိုက်ဝယ်၊ကျွတ်ထိုက်သ သူ၊

 နတ်လူဗြဟ္မာ၊သတ္တ၀ါကို၊ခေမာသောင်သို့၊ဖောင်ကူးတို့ဖြင့်၊ဆောင်ပို့ပြီးကာ၊၀ါလေးဆယ့်ငါး၊   

 သက်ကားရှစ်ဆယ်၊စုံပြည့်ကြွယ်က၊ရာလေးဆယ့်ရှစ်၊သက္ကရာဇ်ဝယ်၊နယ်မလ္လာတိုင်း၊စံနှိုင်း

 မယုတ်၊ကုဿိန္နာရုံ၊အင်ကြင်းစုံ၌၊ကဆုန်လပြည့်၊အင်္ဂါနေ့ဝယ်၊ချမ်းမြေ့နိဗ္ဗူ၊စံတော်မူသည်…"

 ဟုဗုဒ္ဓဘုရားရှင် ပရိနိဗ္ဗာန်စံဝင်တော်မူတဲ့နေ့ဖြစ်ပါတယ်။

" နိဗ္ဗူစံပြီး၊ရှုမအီသား၊သိင်္ဂီရွှေလှော်၊အလောင်းတော်ကို၊ထိုရော်ကဆုန်၊လဆုတ်ကြုံ၍၊ဂဠုန်နေ့  

  ၀ယ်၊ခိုးငွေ့မနှော၊ဓာတ်တေဇောလျင်၊ရှင်စောဥာဏ်စက်၊ဓိဋ္ဌာန်ချက်ဖြင့်၊လျှံတက်ကော်ရော်၊

  မီးပူဇော်သည်…"

ဟုဗုဒ္ဓမြတ်စွာဘုရားရဲ့ ဓာတ်တော်မွေတော်များ တနင်္ဂနွေနေ့တွင်ကြွင်းကျန်တော်မူခဲ့ပါတယ်လို့

ကျေးဇူးရှင်လယ်တီဆရာတော်ဘုရားကြီးရေးသားတော်မူသော ခုနစ်နေ့ဘုရားရှိခိုးကို ရွတ်ဆို

ပူဇော်ရင်း ကဆုန်လပြည့်ဗုဒ္ဓနေ့ကို ရှိခိုးပူဇော်ကန်တော့လိုက်ပါတယ်။