ပထမ အကြိမ် တရုတ် နိုင်ငံတကာ သွင်းကုန် ကုန်စည်ပြပွဲကို ဒီလ ၅ ရက်နေ့က ရှန်ဟိုင်းမြို့မှာ ဖွင့်လှစ်ခဲ့ရာ ကမ္ဘာ့ နိုင်ငံနဲ့ဒေသ၊ နိုင်ငံတကာ အဖွဲ့အစည်း ၁၇၂ ခုမှ လုပ်ငန်းကုမ္ပဏီ ၃၆၀၀ ကျော်တို့က ပြပွဲမှာ ခင်းကျင်းပြသနေပါတယ်။ ဖွင့်ပွဲ အခမ်းအနားမှာ တရုတ်နိုင်ငံတော် ဥက္ကဋ္ဌ ရှီကျင့်ဖိန်ဟာ "ဆန်းသစ်ပြီး သက်ညှာ ထောက်ထားသော တံခါးဖွင့် ကမ္ဘာ့စီးပွါးရေး" ခေါင်းစဉ်နဲ့ မိန့်ခွန်း ပြောကြားပြီး နိုင်ငံ အသီးသီးတို့အကြား တံခါးဖွင့် ပူးပေါင်းဆောင်ရွက်မှု တွန်းအားပေးရေးဆိုင်ရာ အဆိုပြုချက် သုံးရပ်ကို တင်ပြထားပါတယ်။
"တံခါးဖွင့်ရေး"၊ "ဆန်းသစ်တီထွင်ရေး"နဲ့ "သက်ညှာထောက်ထားမှု"ဟာ ရှီကျင့်ဖိန် မိန့်ခွန်း ပြောကြားရာမှာ အကြိမ်ကြိမ် အသုံးပြုနေတဲ့ အရေးကြီး ဝေါဟာရ သုံးခု ဖြစ်ပါတယ်။ အဲဒါဟာ တရုတ်ပြည် ပြုပြင်ပြောင်းလဲရေးနဲ့ တံခါးဖွင့်ရေး လုပ်ငန်း ဆောင်ရွက်တဲ့ နှစ် ၄၀ ကြာ အတွေ့အကြုံများရဲ့ ပေါင်းရုံးသုံးသပ်ခြင်း ဖြစ်တဲ့အပြင်၊ အနာဂတ် တရုတ်ပြည် စီးပွါးရေး အရည်အသွေးမြင့်မားစွာ ဖွံ့ဖြိုးတိုးတက်ရေးဆိုင်ရာ မရှိမဖြစ် လိုအပ်ချက်တွေလည်း ဖြစ်ပါတယ်။
ဥက္ကဋ္ဌ ရှီကျင့်ဖိန်က တရုတ်နိုင်ငံရဲ့ တံခါးဖွင့်ရေးလုပ်ငန်း တွန်းအားပေးရေးဆိုင်ရာ ဆောင်ရွက်မှု ငါးရပ်ကိုလည်း တင်ပြပါတယ်။ အဲဒါတွေကတော့ သွင်းကုန် တွန်းအားပေးရေး၊ ဈေးကွက် ဝင်ခွင့် ဆိုင်ရာ စနစ်များ ပိုမို ချောင်လည်အောင် ထားရှိရေး၊ ကမ္ဘာ့ ရှေ့ပြေး စီးပွါးကုန်သွယ်ရေး ပတ်ဝန်းကျင် ဖန်တီးပေးရေး၊ တံခါးဖွင့်ရေး တိုးချဲ့ရေး၊ ဘက်ပေါင်းစုံနှင့် နှစ်ဖက်အကြား ပူးပေါင်းဆောင်ရွက်မှု နက်ရှိုင်းစွာ တိုးတက်ရေးတို့ ဖြစ်ပါတယ်။ အဲဒါတွေဟာ နိုင်ငံအသီးသီးတို့ရဲ့ လိုအပ်ချက်များနဲ့ ကိုက်ညီတဲ့အပြင်၊ တရုတ်ပြည်ရဲ့ စီးပွါးရေး ဂလိုဘယ်လိုက်ဇေးရှင်းနဲ့ ကမ္ဘာ့စီးပွါးရေး တိုးတက်မှုကို တွန်းအားပေးရေး ဆိုင်ရာ လက်တွေ့ကျ လုပ်ဆောင်ချက်လည်း ဖြစ်ပါတယ်။
ရှီကျင့်ဖိန်က၊ နိုင်ငံခြား လုပ်ငန်းရှင်များရဲ့ တရားဝင် အခွင့်အရေးနဲ့ အကျိုးစီးပွါးကို ကျူးကျော် ထိပါးတဲ့ လုပ်ဆောင်မှု၊ အထူးသဖြင့် ပညာ မူပိုင်ခွင့်ကို ကျူးကျော် ထိပါးမှုကို ဥပဒေနဲ့အညီ ပြတ်ပြတ်သားသား အရေးယူမှာ ဖြစ်ပြီး ပညာပစ္စည်း မူပိုင်ခွင့် စိစစ်ရေး အလုပ်တွင်ကျယ်မှုကို ထိရောက်စွာ တိုးမြှင့်သွားမယ်လို့လည်း ပြောကြားပါတယ်။ အဲဒါဟာ တရုတ်ပြည်ရဲ့ စီးပွါးကုန်သွယ်ရေး ပတ်ဝန်းကျင်ကို တဆင့်တိုး ကောင်းမွန် လာစေမှာ ဖြစ်ပါတယ်။ ကမ္ဘာ့ဘဏ်မှ မကြာခင်က ထုတ်ပြန်တဲ့ ၂၀၁၉ ခုနှစ် စီးပွါးကုန်သွယ်ရေး ပတ်ဝန်းကျင် အစီရင်ခံစာအရ၊ တရုတ်နိုင်ငံရဲ့ စီးပွါးကုန်သွယ်ရေး ပတ်ဝန်းကျင်မှာ ပြီးခဲ့တဲ့နှစ်ကထက် နေရာ ၃၂ နေရာ မြင့်တင်လာပြီ ဖြစ်ပြီး ကမ္ဘာ့ ၄၆ နေရာမှာ တည်ရှိ လာပြီလို့ သိရပါတယ်။
"ခေတ်သစ်မှာ အနာဂတ်ကို အတူ မျှဝေခံစားခြင်း"ဟာ ဒီအကြိမ် သွင်းကုန် ကုန်စည်ပြပွဲရဲ့ ဆောင်ပုဒ် ဖြစ်တဲ့အပြင်၊ နိုင်ငံစုံဝါဒနဲ့ လွတ်လပ်သော ကုန်သွယ်ရေး စနစ်များက ပြင်းထန်စွာ ထိခိုက်မှု ခံရတဲ့ အခြေအနေမျိုးမှာ တရုတ်နိုင်ငံရဲ့ ဖြူစင် ရိုးသားသော ဆောင်ရွက်မှုလည်း ဖြစ်ပါတယ်။ အနာဂတ်မှာ၊ အရည်အချင်း ပိုမို မြင့်မားစွာ တံခါးဖွင့်ရေး တွန်းအားပေးခြင်း၊ တံခါးဖွင့် ကမ္ဘာ့စီးပွါးရေး တည်ထောင်ခြင်းနဲ့ လူသား ကံကြမ္မာ အသိုက်အဝန်း တည်ထောင်ခြင်း အပါအဝင် နယ်ပယ် သုံးခုမှာ ဆောင်ရွက်မှုဟာ ရပ်တန့်သွားမှာ မဟုတ်ဘူး။ တရုတ်နိုင်ငံဟာ နိုင်ငံတကာ အတူ တံခါးဖွင့်ရေးရဲ့ အရေးကြီး တွန်းအားပေးသူ၊ ကမ္ဘာ့စီးပွါးရေး တိုးတက်မှုရဲ့ တွန်းအား၊ နိုင်ငံအသီးသီးတို့ရဲ့ စီးပွါး ကုန်သွယ်ရေးဆိုင်ရာ ဈေးကွက်ကြီးနဲ့ နိုင်ငံတကာ စီမံခန့်ခွဲမှု ပြုပြင်ပြောင်းလဲရေးရဲ့ အပြုသဘောဆောင်တဲ့ အကျိုးပြု စွမ်းဆောင်သူ အစဉ်တစိုက် ဖြစ်သွားမှာ ဖြစ်ပါတယ်။
