ယခုလ မတ်လ လကုန်ပိုင်းတွင် မြန်မာ အမျိုးသား ဒီမိုကရေစီအဖွဲ့ချုပ် အာဏာ ကျင့်သုံးခဲ့ခြင်းသည် တစ်နှစ် ပြည့်ပြီ ဖြစ်ကြောင်း၊ မြန်မာ အကဲခတ်များက၊ တစ်နှစ် အတွင်း မြန်မာနိုင်ငံ အစိုးရနှင့် တပ်မတော် ဆက်ဆံမှု၊ ငြိမ်းချမ်းရေးဖြစ်စဉ်၊ စီးပွါးရေးနှင့် သံတမန် ရေးများတွင် တိုးတက်မှု ရရှိပြီဟု ယူဆကြကြောင်း ဆင်ဟွာ သတင်းဌာန၏ ဆောင်းပါး တစ်ပုဒ်တွင် ရေးသားထားပါသည်။

အမျိုးသားဒီမိုကရေစီအဖွဲ့ချုပ်သည် ငြိမ်းချမ်းရေးနှင့် အမျိုးသား ရင်ကြားစေ့ရေး ဆောင်ပုဒ်ကို စွဲကိုင်ပြီး တိုင်းရင်းသားလက်နက်ကိုင်အဖွဲ့များဆိုင်ရာ ပြဿနာများ ဖြေရှင်းရေးကို အဓိကထားသည့် ငြိမ်းချမ်းရေးဖြစ်စဉ်ကို အစွမ်းကုန် တွန်းအား ပေးသည့် ပြင်၊ တပ်မတော်၊ ယခင် အာဏာရပါတီနှင့် တိုင်းရင်းသား နိုင်ငံရေးပါတီများအကြား ဆက်ဆံမှု ပြေပြစ်ကောင်းမွန်အောင်လည်း အစွမ်းကုန် ဆောင်ရွက် ပေးခဲ့ကြောင်း၊ ပြဿနာ အချို့အပေါ် အမျိုးသားဒီမိုကရေစီအဖွဲ့ချုပ်သည် တပ်မတော်နှင့် သဘောကွဲလွဲမှု ရှိနေ သေးသော်လည်း နှစ်ဖက်အကြား သဘောကွဲလွဲမှုကို ထိန်းချုပ်လို့ရသည်ဟု ခန့်မှန်း ရကြောင်း၊ ဒီမိုကရေစီအဖွဲ့ချုပ် အစိုးရသည် ငြိမ်းချမ်းရေး လုပ်ငန်းကို အဓိကထား ဆောင်ရွက်ပေးပြီး တစ်နှစ်အတွင်း ဒေါ်အောင်ဆန်းစုကြည်သည် ငြိမ်းချမ်းရေး ဖြစ်စဉ်ကို အစွမ်းကုန် တွန်းအားပေးပြီး ပြည်လုံးကျွတ် ငြိမ်းချမ်းရေး မရှိပါက ဘက်စုံ ဖွံ့ဖြိုးမှု တိုးတက်မှု ရှိမည် မဟုတ်ဟု ပြောကြားခဲ့ကြောင်း၊ လွန်ခဲ့သည့်နှစ်က ပထမ အကြိမ် ၂၁ ရာစု ပင်လုံညီလာခံကို အောင်မြင်စွာ ကျင်းပခဲ့ရာ ယခင်အစိုးရ၏ ငြိမ်းချမ်းရေး မူဝါဒ အစိတ်အပိုင်းကို ဆက်ခံလာကြောင်း၊ စီးပွါးရေးနှင့် ပတ်သက်ပြီး စီးပွါးရေး ကျွမ်းကျင်ပညာရှင်များက၊ ယခု ဘဏ္ဍရေးနှစ်တွင် မြန်မာ စီးပွါးရေး တိုးတက်နှုန်းမှာ တိုးမြင့်သွားနိုင်မည်ဟု ခန့်မှန်းထားကြောင်း၊ သံတမန်ရေးနှင့် ပတ်သက်ပြီး အကဲခတ်များက အမျိုးသားဒီမိုကရေစီအဖွဲ့၏ တိုးတက်အောင်မြင်မှု ထင်ရှားသည်ဟု ယူဆကြောင်း အထက်ပါ ဆောင်းပါးတွင် ရေးသားထားပါသည်။