တရုတ် ကွန်မြူနစ်ပါတီ ဗဟိုကော်မတီ အထွေထွေ အတွင်းရေးမှူး၊ နိုင်ငံတော် ဥက္ကဋ္ဌ၊ ဗဟိုစစ်ရေး ကော်မရှင် ဥက္ကဋ္ဌ ရှီကျင့်ဖိန်သည် ယခုလ ၂၄ရက်နေ့ ညနေပိုင်းက ပီကင်း ပြည်သူ့ ခန်းမဆောင်ကြီးတွင် အလည်အပတ် ရောက်ရှိလာသော မြန်မာ့ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံနှုတ်ဆက်ခဲ့ကြောင်း ဆင်ဟွာ သတင်းအရ သိရသည်။

ထိုသို့တွေ့ဆုံနှုတ်ဆက်ရာတွင် ရှီကျင့်ဖိန်က တရုတ် ကွန်မြူနစ်ပါတီ ၁၉ကြိမ်မြောက် ပြည်လုံးဆိုင်ရာ ကိုယ်စားလှယ်များ ညီလာခံတွင် လာမည့် အချိန်ကာလ၌ တရုတ် စီးပွားရေးနှင့် လူမှုရေး ဆိုင်ရာ ပြုပြင်ပြောင်းလဲရေးနှင့် ဖွံ့ဖြိုးတိုးတက်ရေး စီမံကိန်းကို ချမှတ်ပြီး တရုတ်ပြည်၏ ဖွံ့ဖြိုးတိုးတက်ရေး အတွက် အားကောင်းသော တွန်းအားပေးမည် ဖြစ်ကာ မြန်မာ နိုင်ငံ အပါအဝင် နိုင်ငံ အသီးသီးများ အတွက် တရုတ်ပြည်နှင့် ပူးပေါင်းဆောင်ရွက်ရန် အခွင့်ကောင်းသစ်များ ဆောင်ကြဉ်းလာမည် ဖြစ်ကြောင်းလည်း ပြောကြားသည်။

ဆက်လက်၍ ရှီကျင့်ဖိန်က တရုတ်နှင့် မြန်မာ အကြား မဟာဗျူဟာမြောက် ကူးလူးဖလှယ်မှု အားဖြည့်ပြုလုပ်ရန်နှင့် တစ်နိုင်ငံ၏ အလေးထားချက်ကို တစ်နိုင်ငံက ထောက်ထားရန် လိုအပ်ကြောင်း၊ တရုတ်ပြည် အနေနှင့် မြန်မာ နိုင်ငံ၏ အချုပ်အခြာ အာဏာပိုင်မှုနှင့် နယ်မြေတည်တံ့ပြည့်စုံမှုကို တလျှောက်လုံး လေးစားပြီး မြန်မာ ပြည်တွင်း ငြိမ်းချမ်းရေး ဖြစ်စဉ်ကို အလွန် အာရုံစိုက်နေကာ ၄င်းငြိမ်းချမ်းရေး ဖြစ်စဉ် အတွက် အပြုသဘောဆောင်သော အခန်းကဏ္ဍမှ ဆက်လက် ပါဝင်ဆောင်ရွက်ပြီး နှစ်နိုင်ငံ နယ်စပ်ဒေသ လုံခြုံရေးနှင့် တည်ငြိမ်ရေးကို ထိန်းသိမ်းကာကွယ်ရန် ကြိုးပမ်းဆောင်ရွက် လိုကြောင်း ပြောကြားသည်။

ထို့အပြင်၊ ရှီကျင့်ဖိန်က တရုတ်နှင့် မြန်မာ နှစ်နိုင်ငံ တပ်မတော်၏ ဆက်ဆံမှုသည် သမိုင်းကြောင်းတွင် အကောင်းဆုံး အချိန်၌ ရှိနေကြောင်း၊ တရုတ် အစိုးရသည် နယ်ပယ် အသီးသီးတွင် နှစ်နိုင်ငံ တပ်မတော်တို့ အကြား ကူးလူးဖလှယ်မှုနှင့် ပူးပေါင်းဆောင်ရွက်မှု များကို အားဖြည့်ပြုလုပ်ရန် အားပေးထောက်ခံကြောင်း၊ နှစ်နိုင်ငံ တပ်မတော်တို့သည် နှစ်နိုင်ငံ ဆက်ဆံမှု ဖွံ့ဖြိုးတိုးတက်ရေးနှင့် ဒေသတွင်း အေးချမ်းတည်ငြိမ်ရေး အတွက် ဆက်လက် ကြိုးပမ်းဆောင်ရွက်ရန် မျှော်လင့်ကြောင်းလည်း ပြောကြားသည်။

မင်းအောင်လှိုင်က မြန်မာနှင့် တရုတ် နှစ်နိုင်ငံသည် အိမ်နီးချင်း နိုင်ငံ ဖြစ်ကြောင်း၊ မြန်မာနိုင်ငံနှင့် တပ်မတော် တည်ဆောက်ရေးတွင် တရုတ်ပြည်မှ နှစ်ရှည်လများ ကူညီပံ့ပိုးမှုနှင့် မြန်မာ ပြည်တွင်း ငြိမ်းချမ်းရေး ဖြစ်စဉ် အပေါ် တရုတ်ပြည်မှ အားပေးထောက်ခံမှုများကို ကျေးဇူးတင်ရှိကြောင်း၊ မြန်မာ နိုင်ငံသည် Belt and Road တည်ဆောက်ရေးတွင် တက်ကြွစွာ ပါဝင်ဆောင်ရွက်ပြီး နယ်ပယ် အသီးသီးတွင် တရုတ်ပြည်နှင့် ကူးလူးဖလှယ်မှုနှင့် ပူးပေါင်းဆောင်ရွက်မှု အားဖြည့်ပြုလုပ်လိုကြောင်း ပြောကြားသည်။