မြန်မာ နိုင်ငံ သန်လျင်မြို့သည် ရန်ကုန်မြို့နှင့် ကီလိုမီတာ ၂၀ခန့်ကွာဝေးကြောင်း၊ နှစ်မြို့အကြား ပဲခူးမြစ်ရှိ၍ ယခင်က သန်လျင်မြို့မှ ရန်ကုန်သို့ သွားလျှင် သင်္ဘောစီးရန် လိုကြောင်း၊ ၁၉၈၅ပြည့်နှစ်ကစပြီး တရုတ် အင်ဂျင်နီယာ ၅၀၀ကျော်တို့သည် မြန်မာနိုင်ငံသို့ ရှေ့ဆင့်နောက်ဆင့် သွားရောက်ပြီး မြန်မာအင်ဂျင်နီယာနှင့် အတတ်ပညာဝန်ထမ်းများ နှင့်အတူ ၈နှစ်ကြာ အခက်အခဲများကို ကျော်လွှားဖြေရှင်းကာ ပဲခူးမြစ်ပေါ်တွင် တံတားတစ်စင်း ဆောက်လုပ်ပြီးစီးခဲ့ကြောင်း၊ ၄င်းတံတားသည် ရန်ကုန်-သန်လျင် တံတား ဖြစ်ပြီး တရုတ်-မြန်မာ ဆွေမျိုးပေါက်ဖော် ချစ်ကြည်ရေး လက္ခဏာဖြစ်ကြောင်းလည်း စီအာအိုင်က ရေးသားဖော်ပြသည်။
ရန်ကုန်-သန်လျင် တံတားသည် ကားလမ်းနှင့် ရထားလမ်း၊ လမ်း၂မျိုးပါရှိသော တံတား ဖြစ်ကြောင်း၊ ကာလမ်း တံတား၏ စုစုပေါင်းအရှည်မှာ ၂၁၅၁မီတာ ရှိပြီး ရထားလမ်း တံတား၏ စုစုပေါင်း အရှည်မှာ ၂၉၃၈မီတာ ရှိကြောင်း၊ တံတားဆောက်လုပ်ပြီးစီးခြင်းသည် ပဲခူးမြစ် နှစ်ဖက်ကမ်းရှိ နေထိုင်သူများ၏ သွားလာမှုကို အဆင်ပြေစေပြီး တံတားသည် ရန်ကုန်မြို့နှင့် သန်လျင်မြို့ကို ဆက်စပ်ပေးထားသော လမ်းပန်းဆက်သွယ်ရေး ဗဟိုချက် ဖြစ်လာကြောင်း သိရသည်။
မြန်မာ ဆောက်လုပ်ရေး ဝန်ကြီးဌာန တံတားရေးရာ ဦးစီးဌာန ဒုညွှန်ချုပ် ဦးအောင်မြတ်ဦးသည် ရန်ကုန်-သန်လျင် တံတား ဆောက်လုပ်သူများတွင် တစ်ဦး အပါအဝင် ဖြစ်သည်။ ၄င်းက ရန်ကုန်-သန်လျင် တံတား ဆောက်လုပ်ပြီးစီးခဲ့သည့် နောက်ပိုင်းတွင် သန်လျင်မြို့ရှိ နေထိုင်သူများ အတွက် ကြီးမားသော အဆင်ပြေမှု ဆောင်ကြဉ်းလာပြီး သန်လျင်မြို့၏ ပညာရေးနှင့် ကျန်းမာရေး လုပ်ငန်း ဖွံ့ဖြိုးတိုးတက်မှုကို တွန်းအားပေးခဲ့ကြောင်းလည်း ပြောကြားသည်။
ထို့အပြင်၊ ဦးအောင်မြတ်ဦးက ရန်ကုန်-သန်လျင် တံတား ဆောက်လုပ်ခဲ့ရာတွင် တရုတ်ပြည်သည် မြန်မာ နိုင်ငံ အတွက် တံတား ဆောက်လုပ်ရေး ပါရဂူများ ပြုစုပျိုးထောင်ပေးခဲ့ကြောင်း၊ ယခုအထိ ၄င်းပါရဂူများသည် မြန်မာပြည် တစ်ပြည်လုံးတွင် တံတား ၃၀၀ကျော် ဆောက်လုပ်မှုတွင် ပါဝင်ခဲ့ကြောင်း ပြောကြားသည်။
မြန်မာ နိုင်ငံ ဆိုင်ရာ တရုတ် သံအမတ်ကြီး ဟုန်လျန့်က တရုတ်-မြန်မာ ဆွေမျိုး ပေါက်ဖော် ချစ်ကြည်ရေးသည် နှစ်နိုင်ငံ ပြည်သူများမှ မလျှော့သောဇွဲဖြင့် စဉ်ဆက်မပြတ် လက်တွဲ ကြိုးပမ်းဆောင်ရွက်မှုများ၏ ရလဒ် ဖြစ်ကြောင်း၊ မိမိတို့သည် ရန်ကုန်-သန်လျင် တံတား၏ စိတ်ဓါတ်၊ တစ်နည်းအားဖြင့် ပြောရမည် ဆိုလျှင် နှစ်နိုင်ငံ အကြားရှိ ချစ်ခင်ရင်းနှီးရေး၊ စည်းလုံးညီညွတ်ရေးနှင့် ပူးပေါင်းဆောင်ရွက်ရေး စိတ်ဓါတ်ကို ဆက်ခံပြီး တရုတ်-မြန်မာ ချစ်ကြည်ရေး အရေးတော်ပုံကို ဖွံ့ဖြိုးတိုးတက်ရန် အဆက်မပြတ် တွန်းအားပေးသင့်ကြောင်း၊ ယခု တရုတ်နှင့် မြန်မာ နှစ်နိုင်ငံတို့သည် Belt and Roadကို အတူ တည်ဆောက်မည် ဖြစ်ကြောင်း၊ မြန်မာ နိုင်ငံ၏ အခြေခံ အဆောက်အအုံ တည်ဆောက်ရေး အတွက် တရုတ်ပြည်သည် ကူညီပံ့ပိုးမည် ဖြစ်၍ မြန်မာ မိတ်ဆွေများနှင့် အတူ မြန်မာ နိုင်ငံတွင် ပိုမိုများပြားသည့် လမ်းနှင့် တံတားများကို ဆောက်လုပ်ကြမည် ဖြစ်ကြောင်း ပြောကြားသည်။
