စာတစ်လုံးဘုရားတစ်ဆူ လို့ဆိုရိုးစကားရှိတဲ့အတိုင်း စာတစ်လုံ၊အက္ခရာတစ်လုံးကစလို့ ကျွန်မ အဖို့ ဘုရားတစ်ဆူကဲ့သို့ကိုးကွယ်ဆည်းကပ်ခဲ့တာ ယနေ့ထိအောင်ပင်ဖြစ်ပါတယ်။စာတစ်လုံးကိုသိရှိနား လည်မှတ်သားမိလိုက်တာနဲ့ကိုယ့်အတွက် တစ်ထောင့်တစ်နေရာမှာပြန်လည်အသုံးချနိုင်မယ်၊လိုအပ် တဲ့အခါမှာ ဆင်ခြင်သုံးသပ်လို့ရမယ်ဆိုတဲ့ အဖိုးမဖြတ်နိုင်အောင် တန်ဖိုးရှိလှပါတယ်ဆိုတာကို ငယ်စဉ် ကတည်းကမိဘ၊ဆရာသမားများက ဆုံးမသွန်သင်ပေးခဲ့သလို၊ကိုယ်တိုင်ကလည်း အဲလို ခံယူထားသူ တစ်ယောက်ဖြစ်ပါတယ်။
ကျွန်မရဲ့သဘာဝကစာတစ်လုံး၊နှစ်လုံးရေးမှတ်ထားသော စာတိုစာစလေးတွေ၊သတင်းစာ၊ဂျာနယ် အပိုင်းအစလေးတွေ၊ ကုန်ကုန်ပြောရရင်ဖြဲစုတ်ပြီး ပစ်ထားတဲ့စာရွက်အပိုင်းအစလေးတွေကိုတောင် နှစ်သက်မြတ်နိုးတတ်သူပါ၊ကိုယ့်မျက်စိရှေ့မှာ စာရွက်တွေကိုဖြဲနေရင်ဒါမှမဟုတ်စာပါတဲ့စက္ကူ၊စာရွက် တွေကို အောက်ခံအဖြစ်ခုထိုင်ရင်စိတ်ထဲမှာအလိုလိုတိုမိနေတတ်ပါတယ်။ပြီးတော့အဆိုးဆုံးကိုပြော ရမယ်ဆိုရင် တတ်နိုင်တဲ့၊အခြေအနေမဆိုးတဲ့နေရာဒေသတစ်ခုမှာ စာရေးပြီးသား စာရွက်တွေ၊သတင်း စာစက္ကူတွေစတာတွေကို နောက်ဖေးသုံးစက္ကူအဖြစ်နဲ့ကြမ်းသုတ်စက္ကူ အမျိုးအမျိုးအဖြစ် ဖြစ်သလို သုံးစွဲနေတာတွေ့ရင် အသည်းထဲမှာ ဆတ်ဆတ်ခါအောင်နာကျင်မိပါတယ်။(မဖြစ်တော့တဲ့အခြေအနေ၊ ကျေးလက်တောရွာလိုနေရာမျိုးတွေဆိုရင်တော့ ဖြေတွေးတွေးပေးရပါတော့တယ်။)
အဲလိုကိုယ်သိထားတဲ့စာတစ်လုံးလေးကစပြီး စာပေပညာတွေ အဆင့်ဆင့်တတ်မြောက်လာပြီဆိုရင် တော့အဲဒိသူဟာ ပညာရှိကြီးအထိဖြစ်လာမယ်။အသိပညာတွေတိုးပွားလာမယ်၊လိမ္မာယဉ်ကျေးမှုရှိ လာမယ်၊လူဝင်ဆံ့လာမယ်စတဲ့ကောင်းကျိုးအဖြာဖြာကို ပိုင်ဆိုင်နိုင်တဲ့လူဖြစ်လာမှာ အသေအချာပါ။
ဒါကြောင့်လည်းလူကြီးသူမတွေက အလိမ္မာစာမှာရှိ ဆိုတဲ့ ဆိုရိုးစကားကိုပြောဆိုသုံးနှုန်းခဲ့ခြင်းပဲဖြစ် မယ်ထင်ပါတယ်။
