မြန်မာလူငယ်တွေဟာ ကိုဗစ်-၁၉ကပ်ရောဂါတိုက်ဖျက်ဖို့ ကြိုးပမ်းအားထုတ်နေတယ်လို့ မြန်မာနိုင်ငံ ကမ္ဘာ့အလှမယ်ဆို
မြန်မာနိုင်ငံမှာ မတ်လ ၂၃ ရက်နေ့က ပထမဆုံးကိုဗစ်-၁၉ကူးစက်ခံရသူပေါ်ထွက်လာပြီး တဲ့နောက် အခုချိန်အထိ ကူးစက်ခံရသူစုစုပေါင်း ၁ သိန်း ၁သောင်းကျော်ပြီဖြစ်ပါတယ်။ ကူးစက် ရောဂါ တိုက်ဖျက်ရေးမှာ မြန်မာလူငယ်တွေဟာ အဓိကအင်အားစု တစ်စုဖြစ်နေပါပြီ။ ဒီနှစ် ၂၄ နှစ်အရွယ်ရှိပြီဖြစ်တဲ့ ၂၀၁၈ခုနှစ် မြန်မာနိုင်ငံကမ္ဘာ့အလှမယ်ပြိုင်ပွဲမှာ ချန်ပီယံဆုရရှိသူ ဟန်သီဟာ ဒီထဲမှာ တစ်ဦးအပါအဝင် ဖြစ်ပါတယ်။ သူမက မြန်မာနိုင်ငံရဲ့ နာမည်ကျော်မော်ဒယ်၊ မင်းသမီးဖြစ်ရုံသာမက we media သမားတစ်ဦးလည်း ဖြစ်ပါတယ်။ ဆိုရှယ်မီဒီယာများစွာမှာ ဖန် ၂သန်းကျော်ရှိတဲ့ ဟန်သီဟာ CMG သတင်းထောက်နဲ့တွေ့ဆုံရာမှာ ဒီထူးခြားတဲ့ကာလမှာ မြန်မာလူငယ်တွေဟာ ကိုယ့်နည်းလမ်းနဲ့ ကူညီမှုလိုအပ်တဲ့ လူတွေကို အင်အားအဆက်မပြတ်ပေးနေကြောင်း ပြောကြား ပါတယ်။ မြန်မာပြည်သူတွေ အထူးသဖြင့် လူငယ်တွေ ကိုဗစ်-၁၉ကပ်ရောဂါကို စိုးရိမ်ပူပန်မှုထဲက ထွက်လာစေဖို့ ဟန်သီဟာ ဗီဒီယိုတိုလေးတွေအများကြီးရိုက်ကူးပြီးအားလုံးကို အားပေးခဲ့ပါတယ်။
ဟန်သီက မြန်မာနိုင်ငံမှာ သူ့လိုလူငယ်တွေ အများကြီးရှိသေးကြောင်း၊ ဥပမာ သောင်းနဲ့ချီတဲ့ ဆရာဝန်နဲ့သူနာပြုတွေဟာ quarantine စင်တာနဲ့ ယာယီဆေးရုံကိုသွားပြီး စေတနာ့ ဝန်ဆောင်မှု ပေးကြောင်း၊ ကျန်းမာရေးဆိုင်ရာအခြေအနေ သိပ်မဖွံ့ဖြိုးတဲ့မြန်မာနိုင်ငံမှာ ဒီလူငယ်စေတနာ့ဝန်ထမ်းတွေဟာ ကိုဗစ်-၁၉တိုက်ဖျက်တဲ့ အဓိကအင်အား ဖြစ်လာပြီဖြစ်ကြောင်း ပြောကြားပါတယ်။
ယင်းအပြင် ကူးစက်ရောဂါဖြစ်ပွားပြီးနောက် တရုတ်နိုင်ငံက မြန်မာနိုင်ငံအပေါ် ကူးစက်ရောဂါ တိုက်ဖျက်ရေး ကူညီထောက်ပံ့မှုပေးခြင်းဟာ ဥစ္စာပစ္စည်းဘက်က ကူညီထောက်ပံ့မှုသာမကဘဲ အရေးအကြီးဆုံးက ခေတ်မီတိုးတက်တဲ့ ကူးစက်ရောဂါတိုက်ဖျက်ရေးအယူအဆတွေကို ပေးပို့ခြင်း ဖြစ်တယ်လို့ ယူဆကြောင်း ဟန်သီက ပြောကြားပါတယ်။
