အမေရိကန်က တရုတ်လုပ်ငန်းကုမ္ပဏီ ၂၉ ခုကို ရှင်းကျန်းနှင့် ပတ်သက်သော ဥပဒေကြမ်း Entity List စာရင်းဇယားတွင် ထည့်သွင်းခြင်းနှင့် ပတ်သက်ပြီး တရုတ်ကုန်သွယ်ရေး ဝန်ကြီးဌာနက တုံ့ပြန်ပြောကြား

နိုဝင်ဘာလ ၂၆ ရက်နေ့က တရုတ်ကုန်သွယ်ရေး ဝန်ကြီးဌာနမှ ပြောရေးဆိုခွင့်ရှိသူသည် အမေရိကန်က တရုတ်လုပ်ငန်းကုမ္ပဏီ ၂၉ ခုကို ရှင်းကျန်းနှင့် ပတ်သက်သော ဥပဒေကြမ်း Entity List စာရင်းဇယားတွင် ထည့်သွင်းခြင်းနှင့် ပတ်သက်ပြီး သတင်းထောက်၏ မေးမြန်းချက်ကို ဖြေကြားခဲ့ပါသည်။

ပြောရေးဆိုခွင့်ရှိသူက မကြာမီက အမေရိကန်သည် တရုတ်လုပ်ငန်းကုမ္ပဏီ ၂၉ ခုကို ဝေဂါလူမျိုး အဓမ္မလုပ်အားစေခိုင်းခြင်း ကြိုတင်ကာကွယ်ရေး ဥပဒေကြမ်း Entity List စာရင်းဇယားတွင် ထည့်သွင်းသည်ဟု ကြေညာခဲ့ကြောင်း၊ အမေရိကန်၏ လုပ်ရပ်သည် မှန် ကန်ကြောင်း အထောက်အထား ကင်းမဲ့ပြီး လူ့အခွင့်အရေး အမည်ဖြင့် ဗိုလ်ကျ စိုးမိုးမှုကို ပြုလုပ်သည့် စံတင်လောက်သော စီးပွားရေး အကျပ်ကိုင် လုပ်ဆောင်ချက် ဖြစ်ကြောင်း၊ တရုတ်နိုင်ငံသည် ယင်းကို ပြင်းပြင်းထန်ထန် ပြစ်တင်ရှုတ်ချပြီး ပြတ်ပြတ်သားသား ကန့်ကွက်ကာ အမေရိကန်ဘက်အား တည်ကြည်လေးနက်စွာ အရေးဆိုခဲ့ပြီ ဖြစ်ကြောင်း၊ တရုတ်နိုင်ငံသည် အဓမ္မလုပ်အားစေခိုင်းခြင်းကို ပြတ်ပြတ်သားသား ကန့်ကွက်ပြီး ရှင်းကျန်း၌ အဓမ္မလုပ်အားစေခိုင်းခြင်း ဆိုတာ လုံးဝ မရှိကြောင်း၊ အမေရိကန် အနေနှင့် နိုင်ငံရေးကြိုးကိုင်မှု၊ မဟုတ်မမှန် ပုတ်ခတ်ပြောဆိုမှုနှင့် တရုတ်ကုမ္ပဏီများအား အကြောင်းမဲ့ ဖိနှိပ်မှုများကို အမြန်ဆုံး ရပ်တန့်ရန် လှုံ့ဆော်တိုက်တွန်းပြီး တရုတ်နိုင်ငံသည် လိုအပ်သော ဆောင်ရွက်ချက်များဖြင့် တရုတ်လုပ်ငန်းကုမ္ပဏီ၏ တရားဝင် အခွင့်အရေးကို ပြတ်ပြတ် သားသား ထိန်းသိမ်းကာကွယ်မည် ဖြစ်ကြောင်း ဖြေကြားခဲ့ပါသည်။