ဒေသစံတော်ချိန် နိုဝင်ဘာလ ၂၅ရက်နေ့က အမေရိကန်နိုင်ငံတော် လုံခြုံရေးကော်မတီ မဟာဗျူဟာ ကူးလူးဖလှယ်ရေးနှင့် ညှိနှိုင်းရေးအရာရှိ John Kirbyက အမေရိကန်အစိုးရ သည် လက်ဘနွန်နှင့်အစ္စရေးတို့အကြား အပစ်အခတ်ရပ်စဲရေးဆိုင်ရာ ဆွေးနွေးခြင်းသည် အပြုသဘောဆောင်ပြီး မှန်ကန်သော လမ်းကြောင်းဆီသို့ ဦးတည် နေကြောင်း ပြောကြားခဲ့ပါသည်။
ထိုနေ့တွင်ပင် လက်ဘနွန် လွှတ်တော်ဒုဥက္ကဋ္ဌ Elias Bou Saabက လက်ဘနွန်-အစ္စရေး အပစ်အခတ်ရပ်စဲရန် လာမည့်နာရီအနည်းငယ် သို့မဟုတ် ရက်အနည်းငယ် အတွင်း ကြေညာမည်ဟု ခန့်မှန်းရကြောင်း မီဒီယာများအား ပြောကြားခဲ့ပါသည်။ သို့သော် ယခင်က အစ္စရေးဝန်ကြီးချုပ် နေတန်ယာဟုနှင့် ကူးလူးဆက်ဆံခဲ့သော အတွေ့အကြုံအရမူ ယင်းအပေါ် ချင့်ချင့်ချိန်ချိန် ထားသင့်ကြောင်း လည်း အလေးထား ပြောကြားခဲ့ပါသည်။
