ဒုတိယအကြိမ် တရုတ် နိုင်ငံတကာ ထောက်ပံ့ရေးကွင်းဆက် မြှင့်တင်ရေးကုန်စည်ပြပွဲကို နိုဝင်ဘာလ ၂၆ရက်နေ့တွင် ဘေကျင်းမြို့၌ တရားဝင်ဖွင့်လှစ်ခဲ့ပါသည်။
ယင်းကုန်စည်ပြပွဲတွင် ထောက်ပံ့ရေးကွင်းဆက် ဝန်ဆောင်မှုဇုန်၊ ဒစ်ဂျစ်တယ် နည်းပညာ ကွင်းဆက်၊ ကျန်းမာသောဘဝကွင်းဆက်၊ အစိမ်းရောင်စိုက်ပျိုးရေးကွင်းဆက်၊ စမတ်ကား ကွင်းဆက်၊ သန့်ရှင်းသောစွမ်းအင်ကွင်းဆက်နှင့် အသစ်ဖွဲ့စည်းထားသော အဆင့်မြင့် ကုန်ထုတ်လုပ်မှုကွင်းဆက်စသည့် ပြသရေးဇုန်များ ပါဝင်ပါသည်။ ယခုအကြိမ် ကုန်စည်ပြပွဲတွင် လုပ်ငန်း ကုမ္ပဏီနှင့် အဖွဲ့အစည်း စုစုပေါင်း ၆၂၀ ပါဝင်ပြီး ပါဝင်ပြသသည့် ကုမ္ပဏီနှင့် အဖွဲ့အစည်း သည် ပထမအကြိမ်ပြပွဲထက် ၂၀ ရာခိုင်နှုန်း တိုးများလာပြီး ပြည်ပမှ ပါဝင်ပြသသည့် လုပ်ငန်း ကုမ္ပဏီသည် ပထမအကြိမ်က ၆ ရာခိုင်နှုန်းမှ ယခုအကြိမ် ၃၂ ရာခိုင်နှုန်းအထိ တိုးလာပါသည်။
