ဒေသစံတော်ချိန် နိုဝင်ဘာလ ၂၄ ရက်နေ့ နံနက်အစောပိုင်းတွင် အာဇာဘိုင်ဂျန်နိုင်ငံ မြို့တော် ဘာကူတွင် ကျင်းပသည့် ကုလသမဂ္ဂ ရာသီဥတုပြောင်းလဲမှုဆိုင်ရာ မူဘောင်ကွန်ဗင်းရှင်း ၂၉ကြိမ်မြောက် စာချုပ်ချုပ်ဆိုသောနိုင်ငံများညီလာခံ (COP29) ကို နာရီ ၃၀ ကျော် အချိန် တိုး ကျင်းပ ပြီးနောက် ရုပ်သိမ်းခဲ့ပါသည်။
တရုတ်ကိုယ်စားလှယ်အဖွဲ့ခေါင်းဆောင်၊ဂေဟ စနစ်နှင့်ပတ်ဝန်းကျင် ဝန်ကြီး ဌာန ဒုဝန်ကြီး Zhao Yingmin သည် ညီလာခံပိတ်ပွဲအခမ်းအနားသို့ တက်ရောက်ပြီး မိန့်ခွန်း ပြောကြားခဲ့သည်။ သူက တရုတ်နိုင်ငံသည် တာဝန်သိသော ဖွံ့ဖြိုးဆဲ နိုင်ငံကြီး တစ် နိုင်ငံ အနေနှင့် နိုင်ငံတကာ အခြေအနေ မည်သို့ပင် ပြောင်းလဲပြောင်းလဲ ရာသီဥတု ပြောင်းလဲ မှုဆိုင်ရာ ဘက်စုံလုပ်ငန်းစဉ်နှင့် နိုင်ငံတကာ ပူးပေါင်းဆောင်ရွက်မှုများကို မြှင့်တင် ရန် ဘက် အသီးသီးနှင့် အမြဲတမ်း ပြတ်သားစွာ လက်တွဲလုပ်ဆောင်မည်ဖြစ်ကြောင်း၊ တရုတ် နိုင်ငံ သည် ရာသီဥတုပြောင်းလဲမှုကို တက်ကြွစွာကိုင်တွယ်ဖြေရှင်းရန် နိုင်ငံတော် မဟာဗျူဟာကို ဆက်လက်အကောင်အထည်ဖော်သွားမည်ဖြစ်ပြီး ၊ကာဗွန်အထွတ်အထိပ်နှင့် ကာဗွန် ဓါတ်ပြယ်ခြင်း ပန်းတိုင်များကို အကောင်အထည်ဖော်ကာ ဖွံ့ဖြိုးဆဲနိုင်ငံများအကြား ရာသီဥတု ပြောင်းလဲမှုဆိုင်ရာ ပူးပေါင်းဆောင်ရွက်မှုကို ကျယ်ပြန့်စွာ လုပ်ဆောင်၍ ကမ္ဘာလုံးဆိုင်ရာ အစိမ်းရောင်နှင့် ကာဗွန်နည်းသော၊ ရာသီဥတုခံနိုင်ရည်နှင့် ဆက်တိုက် ဖွံ့ဖြိုးရေးအတွက် ဆက်လက် အကျိုးပြုစွမ်းဆောင်မည်ဖြစ်ကြောင်း ပြောကြားခဲ့ပါသည်။
