ပီရူးနိုင်ငံသမ္မတ Ms.Dina Boluarte သည် တစ်နှစ်အတွင်း သမ္မတရှီကျင့်ဖျင်နှင့် ၃ ကြိမ် တွေ့ဆုံခဲ့ပြီး ယင်းသည်လည်း ဇွန်လပြီးနောက် မိမိတို့သီးသန့်တွေ့ဆုံမေးမြန်းမှုကို ထပ်မံဖြေကြားခြင်းဖြစ်ပါသည်။
သမ္မတ Ms.Dina Boluarte က တရုတ်နိုင်ငံသည် အာရှပစိဖိတ် စီးပွားရေး ပူးပေါင်းဆောင်ရွက်မှုအဖွဲ့ (APEC) ၏ စီးပွားရေးအုပ်စု ၂၁ ခု စီးပွားရေးဆက်ဆံမှုတွင် အရေးပါသည့်အခန်းကဏ္ဍမှ ပါဝင်လျက်ရှိကြောင်း၊ ပြောစရာမလိုအောင်ပင် တရုတ်နိုင်ငံသည် APEC အဖွဲ့အစည်းတွင် ဦးဆောင်သည့် အခန်းကဏ္ဍမှ ပါဝင်လျက် ရှိကြောင်း၊ ဥပမာအားဖြင့် Chancay ဆိပ်ကမ်းသည် တရုတ်နိုင်ငံက ပစိဖိတ်သမုဒ္ဒရာ ဒေသတွင် တက်ကြွသည့်အခန်းကဏ္ဍမှပါဝင်မှုကို သက်သေထူနေမှု တစ်ခုပင်ဖြစ်ကြောင်း၊ ၎င်းသည်မိမိတို့က တရုတ်နိုင်ငံနှင့် ရင်းနှီးစွာ ပူးပေါင်းဆောင်ရွက်နေသည့် အကြောင်းအရင်းနှင့် တရုတ်နိုင်ငံသည် လက်ရှိတွင် မိမိတို့၏အကြီးဆုံး ကုန်သွယ်ရေးမိတ်ဖက်ဖြစ်ရသည့် အကြောင်းအရင်းပင်ဖြစ်ကြောင်း၊ မိမိတို့သည် အဆိုပါ နှစ်ဦးနှစ်ဖက် စီးပွားရေးနှင့်ကုန်သွယ်ရေး ဆက်ဆံမှုကို ဆက်လက်မြှင့်တင်ကာ တရုတ်နိုင်ငံထံမှ လေ့လာသင်ယူ၍ တရုတ်နိုင်ငံကို စံပြအဖြစ်ထားရှိသွားမည်ဖြစ်ကြောင်း ပြောကြားခဲ့သည်။
သမ္မတ Ms.Dina Boluarte က သမ္မတရှီကျင့်ဖျင်သည် ပီရူးသို့ တရားဝင်ခရီးစဉ် လာရောက်၍ APEC အကြီးအကဲများ အလွတ်သဘောအစည်းအဝေးသို့ တက်ရောက်ခြင်းသည် ပီရူး-တရုတ်ဆက်ဆံရေးအတွက် အလွန်အရေးပါသည့် အနက်အဓိပ္ပာယ်ရှိရုံသာမက APEC ပူးပေါင်းဆောင်ရွက်မှုအတွက်လည်း စွမ်းရည်အသစ်တိုးစေကာ ပိုမိုများပြားသည့် ယုံကြည်ချက်များ တိုးစေကြောင်း၊ လွတ်လပ်စွာကုန်သွယ်ရေးစာချုပ် အဆင့်မြှင့်တင်မှု၊ Chancay ဆိပ်ကမ်း စတင်ဖွင့်လှစ်ခြင်း စသည့် လက်တွေ့ကျကျပူးပေါင်းဆောင်ရွက်မှုများမှတစ်ဆင့် အတူစည်ပင်ဝပြောသော အနာဂတ်အသစ်ကို အတူလက်တွဲဖန်တီးရန် မျှော်လင့်ပါကြောင်း ပြောကြားခဲ့သည်။
