နိုဝင်ဘာလ ၂၂ရက်နေ့က တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ လင်ကျန့်သည် ပုံမှန်သတင်းစာရှင်းလင်းပွဲကို ကျင်းပခဲ့ပါသည်။
လင်ကျန့်က တရုတ်ပြည်တွင်းပြည်ပပုဂ္ဂိုလ်များဖလှယ်ရေးကို တစ်ဆင့်တိုး အဆင်ပြေစေရန်အတွက် တရုတ်နိုင်ငံသည် ဗီဇာကင်းလွတ်ရေးနိုင်ငံများအတိုင်းအတာကို တိုးချဲ့မည်ဟု ဆုံးဖြတ်ခဲ့ကြောင်း၊ ၂၀၂၄ခုနှစ် နိုဝင်ဘာလ ၃၀ရက်နေ့မှစ၍ ၂၀၂၅ခုနှစ် ဒီဇင်ဘာလ ၃၁ရက်နေ့အထိ ဘူလ်ဂေးရီးယား၊ ရိုမေးနီးယား၊ ခရိုအေးရှား၊ မွန်တီနီကရိုး၊ မြောက်မက်ဆီဒိုးနီးယား၊ မော်လတာ၊ အက်စတိုးနီးယား၊ လတ်ဗီးယား နှင့် ဂျပန်မှ သာမန် နိုင်ငံကူးလက်မှတ်ကိုင်ဆောင်သူများအတွက် ဗီဇာကင်းလွတ်ရေးပေါ်လစီကို စမ်းသပ် ကျင့်သုံးမည်ဖြစ်ကြောင်း ပြောကြားခဲ့ပါသည်။
၂၀၂၄ခုနှစ် နိုဝင်ဘာလ ၃၀ရက်နေ့မှစ၍ အဆိုပါ ၉နိုင်ငံအပါအဝင် ဗီဇာကင်းလွတ်ခွင့်ရှိ သော နိုင်ငံ ၃၈နိုင်ငံမှ သာမန်နိုင်ငံကူးလက်မှတ်ကိုင်ဆောင်သူများသည် စီးပွားရေး၊ ခရီးသွားလာရေး၊ ဆေမျိုးသင်္ဂဟများတွေ့ဆုံရေး၊ ကူးလူးဆက်ဆံရေးအတွက် တရုတ်နိုင်ငံသို့ လာရောက်ပြီး ရက်ပေါင်း ၃၀ မကျော်လျှင် ဗီဇာမလိုဘဲ တရုတ်နိုင်ငံသို့ ဝင်ရောက်နိုင်ကြောင်း သတင်းရရှိပါသည်။
