နိုဝင်ဘာလ ၂၁ရက်နေ့တွင် “နိုင်ငံတော်ကာကွယ်ရေး ဖွံ့ဖြိုးတိုးတက်ရေး-၂၀၂၄” လက်နက် ကိရိယာများပြပွဲကို မြောက်ကိုရီးယားနိုင်ငံ ပြုံယမ်းမြို့တော်၌ စတင်ကျင်းပခဲ့ရာ မြောက်ကိုရီးယားအလုပ်သမားပါတီ အထွေထွေအတွင်းရေးမှူး၊ နိုင်ငံတော်ကောင်စီ ဥက္ကဋ္ဌ ကင်ဂျုံအန်း ပြပွဲဖွင့်ပွဲအခမ်းအနားသို့ တက်ရောက်ပြီး အဖွင့်အမှာစကား ပြောကြားခဲ့ ပါသည်။
ကင်ဂျုံအန်းက ကိုရီးယားကျွန်းဆွယ်တွင် ယခုကဲ့သို့ အန္တရာယ်များစွာ ပြင်းထန်စွာ ထိပ်တိုက်ရင်ဆိုင်မှုမျိုးကို တစ်ခါမှ မဖြစ်ခဲ့သောကြောင့် နျူကလီးယားစစ်ပွဲကြီး ဖြစ်ပွားနိုင် ကြောင်း၊ မြောက်ကိုရီးယားပါတီနှင့် အစိုးရတို့သည် မြင့်မားသော စစ်ရေးနည်းပညာနှင့် တောင့်တင်းသော စစ်အင်အားကို ပြုစုပျိုးထောင်ပြီး ခိုင်မာသော ကာကွယ်ရေး စွမ်းရည်များဖြင့် နိုင်ငံ့ကို ကာကွယ်ရန် အစွမ်းကုန်လုပ်ဆောင်သွားမည်ဖြစ်ကြောင်း အလေးထားပြောကြားခဲ့ပါသည်။
