“ယခုအချိန်ဟာ တရုတ်-ဘရာဇီးဆက်ဆံရေးအတွက် သမိုင်းဝင်အချိန်ကာလပဲ ဖြစ်တယ်။” “နှစ်ဦးနှစ်ဖက်တို့ဟာ ပူးပေါင်းဆောင်ရွက်ရေးသဘောတူစာချုပ် ၃၀ကျော်ကို လက်မှတ် ရေးထိုးခဲ့ကြတယ်။” နိုဝင်ဘာလ ၂၀ ရက်နေ့က တရုတ်နိုင်ငံသမ္မတ ရှီကျင့်ဖိန် ၏ ဘရာဇီးခရီးစဉ်ဟာ “နှစ်နိုင်ငံဆက်ဆံရေးရဲ့ လာမယ့်‘ရွှေအနှစ်၅၀’ကို စတင်တယ်” ဟု နိုင်ငံတကာလူအများက ယူဆခဲ့ ကြပါသည်။
နိုဝင်ဘာလ ၂၀ ရက်နေ့က တရုတ်နိုင်ငံသမ္မတ ရှီကျင့်ဖိန် သည် ဘရာဇီးနိုင်ငံသမ္မတ Lula နှင့် တွေ့ဆုံရာတွင် နှစ်နိုင်ငံထိပ်သီးခေါင်းဆောင်များသည် တရုတ်-ဘရာဇီး ဆက်ဆံရေး အနာဂတ်ဖွံ့ဖြိုးတိုးတက်ရေးနှင့်ပတ်သက်ပြီး မဟာဗျူဟာမြောက်သဘော တူညီမှုများ ရရှိခဲ့ကြပါသည်။ ၄င်းထဲတွင် အရေးအကြီးဆုံးမှာ နှစ်ဦးနှစ်ဖက်တို့သည် နှစ်နိုင်ငံဆက်ဆံရေးကို ပိုမိုတရားမျှတသောကမ္ဘာကြီးနှင့် ပိုမိုဆက်တိုက်ဖွံ့ဖြိုးတိုးတက် နိုင်သောကမ္ဘာကြီး ထူထောင်ရန် တရုတ်-ဘရာဇီးကံကြမ္မာတူအသိုက်အဝန်းကို လက်တွဲ တည်ဆောက်ဖို့ မြှင့်တင်ပြီး “Belt and Road” အဆိုပြုချက် အတူတကွတည်ဆောက်ရေး နှင့် ဘရာဇီးနိုင်ငံ၏ ဖွံ့ဖြိုးတိုးတက်ရေးမဟာဗျူဟာနှင့် ချိတ်ဆက်ဆောင်ရွက်ရန် ဆုံးဖြတ် ခဲ့ကြခြင်း ဖြစ်ပါသည်။
လေ့လာသုံးသပ်သူများက နှစ်နိုင်ငံဆက်ဆံရေး မြှင့်တင်လာခြင်းမှာ တရုတ်-ဘရာဇီး ဆက်ဆံရေးအတွက် သမိုင်းမှတ်တိုင်သစ်ဖြစ်သည်ဟု ဆိုနိုင်ကြောင်း၊ နှစ်ဦးနှစ်ဖက်တို့၏ အနာဂတ်ဖွံ့ဖြိုးတိုးတက်ရေးဆန္ဒ တူညီပြီး လူသားတို့၏ ရှေ့အလားအလာ ကံကြမ္မာအား တာဝန်ယူတတ်မှုကို ဖော်ပြနိုင်ကာ နှစ်နိုင်ငံဆက်ဆံရေး၏ ကမ္ဘာလုံးဆိုင်ရာ၊ မဟာဗျူဟာ ဆိုင်ရာနှင့် ရေရှည်ဆိုင်ရာ သဘောသဘာဝကို ပြဆိုနိုင်ကြောင်း ယူဆကြပါသည်။
အတူတကွ ဖွံ့ဖြိုးတိုးတက်ပြီး အေးအတူ ပူအမျှ ဟူသော အနာဂတ်တွင် တရုတ်- ဘရာဇီး ဆက်ဆံရေး ဖွံ့ဖြိုးတိုးတက်ရန် အဆိုပြုချက်များကို တရုတ်နိုင်ငံသမ္မတ ရှီကျင့်ဖိန် က တင်ပြခဲ့ပါသည်။ ၄င်းထဲတွင် မဟာဗျူဟာမြောက်အပြန်အလှန်ယုံကြည်မှု ပိုမို နက်ရှိုင်း စေခြင်း၊ ဖွံ့ဖြိုးတိုးတက်ရေးမဟာဗျူဟာချိတ်ဆက်မှု၊ ကမ္ဘာ့ငြိမ်းချမ်းရေးနှင့် တရား မျှတမှုကို ကာကွယ်ထိန်းသိမ်းခြင်းနှင့် လူသား ကံကြမ္မာတူအသိုက်အဝန်း တည်ဆောက်မှု စသည် တို့ကို ပါဝင်ပြီး တရုတ်-ဘရာဇီး ကံကြမ္မာတူအသိုက်အဝန်း အတူတကွ တည်ဆောက် ရေးအတွက် လမ်းညွှန်ချက် ပေးကာ ခေတ်သစ်တွင် တရုတ်- ဘရာဇီး ဆက်ဆံရေး၏ အနှစ်သာရကို ပိုမိုကြွယ်ဝလာစေပါသည်။ ဘရာဇီးနိုင်ငံသမ္မတ Lula က တရုတ်နိုင်ငံသမ္မတ ရှီကျင့်ဖိန် ၏ ယခုအကြိမ် ဘရာဇီးခရီးစဉ်မှာ ဘရာဇီး- တရုတ် ဆက်ဆံရေးအတွက် သမိုင်းကဏ္ဍ သစ်ကို ဖွင့်လှစ်ပေးခဲ့ခြင်း ဖြစ်ကြောင်း ယူဆ ခဲ့ ပါသည်။
လွန်ခဲ့သည့်နှစ်များတွင် တရုတ်နှင့် ဘရာဇီးနှစ်နိုင်ငံတို့သည် ဖွံ့ဖြိုးတိုးတက်ရေး မဟာဗျူဟာချိတ်ဆက်မှုကို ဆက်တိုက်တွန်းအားပေးပြီး ဒေသခံများအတွက် ကြီးမားသော စီးပွားရေး၊ လူမှုရေးအကျိုးအမြတ်နှင့် ရင်းနှီးမြှုပ်နှံမှုအခွင့်အလမ်းများကို ဆောင်ကြဉ်း ပေးနိုင်ပါသည်။ ယခုအကြိမ် တရုတ်နိုင်ငံသမ္မတ ရှီကျင့်ဖိန် ၏ ဘရာဇီးခရီးစဉ်တွင် နှစ်နိုင်ငံ ထိပ်သီးခေါင်းဆောင်များသည် တရုတ်-ဘရာဇီး လက်တွေ့ကျ ပူးပေါင်းဆောင်ရွက်မှုများ မြှင့်တင်ရန်နှင့်ပတ်သက်ပြီး အမြင်ချင်းဖလှယ်ခဲ့ကြပါသည်။
ယခုအကြိမ် တရုတ်နိုင်ငံသမ္မတ ရှီကျင့်ဖိန်၏ ဘရာဇီးခရီးစဉ်တွင် နှစ်ဦးနှစ်ဖက်တို့ သည် “Belt and Road” အဆိုပြုချက် အတူတကွတည်ဆောက်ရေး၊ အရှိန်မြှင့် ဖွံ့ဖြိုးတိုး တက်ရေး စီမံကိန်း၊ ဘရာဇီးစက်မှုလုပ်ငန်းသစ်စီမံကိန်း၊ ဂေဟကူးပြောင်းရေး စီမံ ကိန်း နှင့် တောင်အမေရိက တစ်ပြေးညီဖြစ်စေရေးလမ်းကြောင်းစီမံကိန်း ချိတ်ဆက်ရန် ပူးပေါင်း ဆောင်ရွက်ရေးစီမံကိန်းကို လက်မှတ်ရေးထိုးခဲ့ကြပါသည်။ လေ့လာသုံးသပ်သူ များက ၄င်းမှာ နှစ်နိုင်ငံပူးပေါင်းဆောင်ရွက်မှုများ အရည်အသွေးမြှင့်တင်ရန် တွန်းအားပေး မည် ဖြစ်ပြီး ကိုယ်စီ ခေတ်မီရေး တည်ဆောက်ရန် အထောက်အကူပြုမည် ဖြစ်ကာ တရုတ် နိုင်ငံနှင့် လက်တင်အမေရိကဒေသတစ်ခုလုံး ပူးပေါင်းဆောင်ရွက်မှု အဆင့် အတန်းကို မြှင့်တင်မည် ဖြစ်ကြောင်း ယူဆကြပါသည်။
နိုင်ငံတကာဇာတ်ခုံပေါ်တွင် တရုတ်နှင့်ဘရာဇီးနှစ်နိုင်ငံတို့သည် စစ်မှန်သော ဘက်ပေါင်းစုံဝါဒကို အကောင်အထည်ဖော်လျက်ရှိ ကြပါသည်။ ယခုအကြိမ် တရုတ်နိုင်ငံ သမ္မတ ရှီကျင့်ဖိန် ၏ ဘရာဇီးခရီးစဉ်တွင် တရုတ်နှင့်ဘရာဇီးနှစ်နိုင်ငံတို့သည် ကုလသမဂ္ဂ၊ G20 နှင့် BRICS စသည့် ဘက်ပေါင်းစုံစနစ်များတွင် ရင်းနှီးစွာပူးပေါင်းဆောင်ရွက်မှုများ ဆက်လက်ပြုလုပ်ရန်၊ ငတ်မွတ်မှု၊ ဆင်းရဲနွမ်းပါးမှု၊ ဒေသတွင်းအချင်းပွားမှု၊ ရာသီဥတု ပြောင်းလဲမှုနှင့် ဆိုက်ဘာလုံခြုံရေးစသည့် သမားရိုးကျနှင့် သမားရိုးကျမဟုတ်သော နယ်ပယ် များတွင် လုံခြုံရေးစိန်ခေါ်မှုများကို အတူတကွရင်ဆိုင်ကျော်လွှားရန် သဘော တူညီမှုများ ရရှိခဲ့ကြပါသည်။
အနှစ် ၅၀ ကို ဖြတ်သန်းခဲ့ပြီး တရုတ်-ဘရာဇီးဆက်ဆံရေးသည် အကောင်းဆုံးသော သမိုင်းဝင် အချိန်ကာလသို့ ဝင်ရောက်ခဲ့ပြီဖြစ်သည်။ အစသစ်တွင် ကမ္ဘာ့ အရှေ့ဘက်ခြမ်းနှင့် အနောက်ဘက်ခြမ်းရှိ အကြီးဆုံးသောဖွံ့ဖြိုးဆဲနိုင်ငံများ ဖြစ်ကြသည့် တရုတ်နှင့် ဘရာဇီးနှစ်နိုင်ငံတို့သည် အေးအတူ ပူအမျှ၊ အပြန်အလှန်ကူညီဖေးမပြီး ပိုမို သာယာ သော ကမ္ဘာကြီးကို လက်တွဲတည်ဆောက်ကြမည် ဖြစ်ပါသည်။
