၂၀၂၄ ကမ္ဘာ့သက်မွေးဝမ်းကျောင်းနှင့် နည်းပညာဆိုင်ရာ ပညာရေးဖွံ့ဖြိုးတိုးတက်ရေး ညီလာခံ ဖွင့်ပွဲအခမ်းအနားကို နိုဝင်ဘာလ ၂၁ ရက်နေ့က တီရန်ကျင်းမြို့ National Conference & Exhibition Center ၌ ကျင်းပသည်။ အခမ်းအနားတွင် တရုတ်ကွန်မြူနစ်ပါတီ တီရန်ကျင်း မြူနီစပယ်ကော်မတီအတွင်းရေးမှူးနှင့် တရုတ်ကွန်မြူနစ်ပါတီဗဟိုကော်မတီ ပေါ်လစ် ဗျူရိုအဖွဲ့ဝင် Chen Min’er နှင့် တရုတ်ပြည်သူ့သမ္မတနိုင်ငံ ပညာရေးဝန်ကြီး Huai Jinpeng အပါအဝင် တက်ရောက်လာကြသည့်နိုင်ငံအချို့မှ ဝန်ကြီးများ၊ UNESCO နှင့် သက်မွေးဝမ်း ကျောင်းဆိုင်ရာ အဖွဲ့အစည်းများမှ ပုဂ္ဂိုလ်များက မိန့်ခွန်းပြောကြားခဲ့ပြီး အခမ်းအနားရုပ်သိမ်းခဲ့သည်။
ထို့နောက် နေ့လယ်ပိုင်းတွင် Parallel Sessions ဆွေးနွေးပွဲနှင့် ဝန်ကြီးအဆင့် စကားဝိုင်းဆွေး နွေးပွဲတို့ကိုကျင်းပခဲ့ပြီး ညနေပိုင်းအချိန်တွင် ၂၀၂၄ သက်မွေးဝမ်းကျောင်းဆိုင်ရာ ကောလိပ်များ၏ ကျွမ်းကျင်မှုဆိုင်ရာပြိုင်ပွဲ နောက်ဆုံးအဆင့်ပွဲစဉ်များကျင်းပခဲ့ပြီး ဆုရရှိသည့် ပြိုင်ပွဲဝင်အသင်းများကို ဆုများပေးအပ်ခဲ့သည်။
အဆိုပါ ၂၀၂၄ ကမ္ဘာ့သက်မွေးဝမ်းကျောင်းနှင့် နည်းပညာဆိုင်ရာ ပညာရေးဖွံ့ဖြိုးတိုးတက်ရေး ညီလာခံသို့ နိုင်ငံပေါင်း ၈၀ နှင့် ကိုယ်စားလှယ်ပေါင်း တစ်ထောင်ကျော်ပါဝင်တက်ရောက်ခဲ့ပြီး သက်မွေးဝမ်းကျောင်းဆိုင်ရာ ကောလိပ်များနှင့် ကုမ္ပဏီများမှ နည်းပညာနှင့် ဆန်းသစ်တီထွင်မှု ဆိုင်ရာ ပြခန်းပေါင်း ၆၀ ကျော်ကို ပြသထားလျက်ရှိကာ နိုဝင်ဘာလ ၂၁ ရက်နေ့မှ ၂၂ ရက်နေ့အထိ ကျင်းပမည်ဖြစ်ကြောင်း သိရသည်။
ဝေယံ(သုတေသန)
