တရုတ်နိုင်ငံမှ ဦးဆောင်‌‌သော ပထမဆုံး ကမ္ဘာ့သက်မွေးဝမ်းကျောင်းနှင့် နည်းပညာဆိုင်ရာ ပညာရေး ပူးပေါင်းဆောင်ရွက်မှု အဖွဲ့အစည်းကို ဖွဲ့စည်းတည်ထောင်

နိုဝင်ဘာလ ၂၁ ရက်နေ့တွင် တရုတ်နိုင်ငံ Tianjin မြို့၌ ကျင်းပခဲ့‌သော ၂၀၂၄ ခုနှစ် ကမ္ဘာ့ သက်မွေးဝမ်းကျောင်းနှင့်နည်းပညာဆိုင်ရာပညာရေးဖွံ့ဖြိုးတိုးတက်ရေးညီလာခံတွင် တရုတ် နိုင်ငံမှ ဦးဆောင်‌‌သော ကမ္ဘာ့သက်မွေးဝမ်းကျောင်းနှင့် နည်းပညာဆိုင်ရာ ပညာရေး ပူးပေါင်းဆောင်ရွက်မှု အဖွဲ့အစည်းဖြစ်သည့် ကမ္ဘာ့သက်မွေးဝမ်းကျောင်းနှင့် နည်းပညာ ဆိုင်ရာ ပညာရေးဖွံ့ဖြိုးတိုးတက်ရေးမဟာမိတ်အဖွဲ့ကို တရားဝင် ဖွဲ့စည်းတည်ထောင်ခဲ့သည် ဟု ဆင်ဟွာသတင်းအရ သိရပါသည်။

လက်ရှိတွင် နိုင်ငံနှင့် ဒေသ ၄၃ ခုမှ တက္ကသိုလ်ကောလိပ်များ၊ သက်မွေးဝမ်းကျောင်းနှင့် နည်းပညာဆိုင်ရာကျောင်းများ၊ လုပ်ငန်းအဖွဲ့များနှင့် ပညာရေးအဖွဲ့အစည်းများ အပါအဝင် အဖွဲ့အစည်း ၈၉ ဖွဲ့သည် ပထမသုတ် မဟာမိတ်အဖွဲ့ဝင်များ ဖြစ်လာကြသည်ဟု သတင်းအရ သိရ ပါသည်။