ဒေသစံတော်ချိန် နိုဝင်ဘာလ ၁၉ ရက်နေ့တွင် အင်ဒိုနီးရှား လွှတ်တော်သည် ဥပဒေကြမ်းတစ်ရပ်ကို အတည်ပြုခဲ့ပြီး ဂျကာတာမြို့ကို အထူးဇုန်အဖြစ် တရားဝင်သတ်မှတ်ထားပြီး ၎င်း၏ မြို့တော်နေရာမှ ဖယ်ရှားခဲ့သည်။ သို့သော် အင်ဒိုနီးရှား သမ္မတ အမိန့် လက်မှတ်ရေးထိုးပြီးနောက်မှ အဆိုပါ ဥပဒေကြမ်း အသက်ဝင်မည်ဖြစ်ကြောင်း သတင်းအရ သိရပါသည်။
အင်ဒိုနီးရှား လွှတ်တော် ဒုဥက္ကဋ္ဌ ကာဒီရ်က အဆိုပါ ဥပဒေကြမ်း အသက်ဝင်ပြီးနောက် ဂျကာတာမြို့သည် မြို့တော် မဟုတ်တော့ဘဲ အထူးဇုန် တစ်ခု ဖြစ်သွားမည်ဖြစ်ကြောင်း၊ အင်ဒိုနီးရှား၏ မြို့တော်သစ်သည် နူဆန်တာရာ(Nusantara) အဖြစ် ပြောင်းလဲမည် ဖြစ်ကြောင်း ပြောကြားခဲ့သည်။
