China Media Group (CMG) နှင့် ကွမ်ရှီး ကျွမ့်လူမျိုး ကိုယ်ပိုင်အုပ်ချုပ်ရေးဒေသပြည်သူ့အစိုးရတို့ ပူးပေါင်းကြီးမှူးကျင်းပသော ၂၀၂၄ ခုနှစ် “အာဆီယံမိတ်ဖက်” မီဒီယာပူးပေါင်းဆောင်ရွက်ရေးသီတင်းပတ်ကို နိုဝင်ဘာလ ၈ ရက်နေ့က ကွမ်ရှီးဒေသ ကွေ့လင်မြို့၌ ဖွင့်လှစ်ကျင်းပခဲ့သည်။ အခမ်းအနားတွင် CMG ၏ မှတ်တမ်းရုပ်ရှင် “ဖိန်လုတူးမြောင်း” စတင်ရိုက်ကူးခြင်းအစီအစဉ် ကျင်းပခဲ့ပြီး ရာစုနှစ်စီမံကိန်းဖြစ်သော ဖိန်လုတူးမြောင်း တူးဖော်မှုလုပ်ငန်းစဉ်နှင့် အရေးပါမှုကို မြင်ကွင်းပြည့် တင်ဆက်ပြသမည်ဖြစ်သည်။ မှတ်တမ်းရုပ်ရှင် “ချိုမြိန်လှပသော ကွမ်ရှီး” ကိုလည်း မကြာမီစတင်ထုတ်လွှင့်ပြသတော့မည် ဖြစ်ပြီး သက်ဝင်လှုပ်ရှားဖွယ်ဇာတ်လမ်းဖြင့် သာယာကောင်းမွန်သောဘဝကြီးကို အကန့်အသတ်မဲ့ချစ်မြတ်နိုးကြသည့် ကွမ်ရှီးပြည်သူများအကြောင်းကို တင်ဆက်ပြသမည် ဖြစ်သည်။
