တရုတ်နှင့် ဇမ်ဘီယာ သံတမန်ဆက်ဆံရေး ထားရှိခဲ့သည့် နှစ် ၆၀ ပြည့်မြောက်ခြင်း နှင့်ပတ်သက်၍ ရှီကျင့်ဖိန် နှင့် ဇမ်ဘီယာ သမ္မတ ဟီချီလယ်မာ ဂုဏ်ပြုကြောင်း သဝဏ်လွှာ အပြန်အလှန် ပေးပို့

အောက်တိုဘာလ ၂၉ ရက်နေ့က တရုတ်နိုင်ငံသမ္မတ ရှီကျင့်ဖိန် နှင့် ဇမ်ဘီယာ သမ္မတ ဟီချီ လယ်မာတို့သည် နှစ်နိုင်ငံ သံတမန်ဆက်ဆံရေး ထားရှိခဲ့သည့် နှစ် ၆၀ ပြည့်မြောက်ခြင်း အထိမ်း အမှတ်  ဂုဏ်ပြု ကြောင်း သဝဏ်လွှာကို အပြန်အလှန် ပေးပို့ခဲ့ကြပါသည်။

ရှီကျင့်ဖိန်က တရုတ်-ဇမ်ဘီယာနှစ်နိုင်ငံ သံတမန်ဆက်ဆံရေးထားရှိခဲ့သည့် နှစ် ၆၀ အတွင်း နှစ်နိုင်ငံတို့သည် ရိုးသားမှု၊ ချစ်ကြည်ရင်းနှီးမှုနှင့် ပူးတွဲ တိုးတက်မှုကို အမြဲစွဲကိုင်ထားကြောင်း သဝဏ်လွှာတွင် ဖော်ပြခဲ့ပါသည်။

ဟီချီလယ်မာက တရုတ်-ဇမ်ဘီယာ နှစ်နိုင်ငံအကြား အပြန်အလှန်လေးစားမှု၊ အကျိုးတူ ပူးပေါင်းဆောင်ရွက်မှုနှင့် ဘုံသာယာဝပြောမှုကို အခြေခံထားသည့် မိတ်ဖက် ဆက်ဆံမှုသည် နှစ်နိုင်ငံ၏ ဖွံ့ဖြိုးတိုးတက်ရေးအတွက် အကျိုးပြုခဲ့ကြောင်း၊ တန်ဇန်းနီးယား-ဇမ်ဘီယာ မီးရထားလမ်းနှင့် Lower Kaifu Gorge ရေအား လျှပ်စစ် ဓာတ်အားပေးစခန်းတို့ကဲ့သို့ သော ပူးပေါင်းဆောင်ရွက်မှု ပရောဂျက်များတွင် အောင်မြင်မှုရလဒ်များကို ရရှိခဲ့ကြောင်း ဖော်ပြခဲ့ ပါသည်။