ယခုလ ၁၆ရက်နေ့ နံနက်ပိုင်းက တရုတ် ကွန်မြူနစ်ပါတီ ဗဟို ကော်မတီ အထွေထွေ အတွင်းရေးမှူး ရှီကျင့်ဖိန်သည် တရုတ်နိုင်ငံ (ဖူကျန့်) လွတ်လပ်သော ကုန်သွယ်ရေး စမ်းသပ်ဇုန် ရှမင် ဧရိယာသို့ သွားရောက် လေ့လာကြည့်ရှုခဲ့သည်။
ရှီကျင့်ဖိန်သည် လွတ်လပ်သော ကုန်သွယ်ရေး စမ်းသပ်ဇုန် တည်ဆောက်ရေး အောင်မြင်မှု ပြပွဲကို ကြည့်ရှုပြီး ဒေသ ပြုပြင်ပြောင်းလဲမှုနှင့် တံခါးဖွင့်မှု တိုးချဲ့ ဆောင်ရွက်ရေး၊ ထိုင်ဝမ် ရေလက်ကြား နှစ်ဖက်ကမ်း ပေါင်းစပ် ဖွံ့ဖြိုးတိုးတက်ရေး နည်းလမ်းသစ် စူးစမ်းရှာဖွေရေး စသည့် အကြောင်းအရာများကို ကြားနာကာ အထွေထွေ ဝန်ဆောင်မှု ခန်းမရှိ ဝန်ထမ်းများနှင့် စကားစမြည် ပြောဆိုခဲ့ကြောင်း သတင်းအရ သိရသည်။
