အောက်တိုဘာလ ၁၂ရက်နေ့ နံနက်ပိုင်းက တရုတ်နိုင်ငံတော်ကောင်စီ သတင်း ပြန်ကြားရေးရုံးသည် သတင်းစာ ရှင်းလင်းပွဲကို ကျင်းပရာတွင် ဘဏ္ဍာရေးဝန်ကြီးဌာနမှ တာဝန်ရှိသူက သက်ဆိုင်ရာ အခြေအနေများကို မိတ်ဆက်ပေးခဲ့ပါသည်။
ဘဏ္ဍာရေးဝန်ကြီး Lan Fo'an က တိုးတက်မှုတည်ငြိမ်ရေး၊ ပြည်တွင်းဝယ်လိုအား တိုးချဲ့ရေးနှင့် အန္တရာယ် ကင်းရှင်းရေးတို့ကို ရည်ရွယ်ပြီး ဘဏ္ဍာရေးဝန်ကြီးဌာနသည် မကြာမီကာလအတွင်း ရည်ရွယ်ချက်ရှိသော မြှင့်တင်ရေး မူဝါဒများကို ထုတ်ပြန်မည်ဖြစ်ကြောင်း၊ တရုတ်နိုင်ငံ၏ဘဏ္ဍာရေးသည် လုံလောက်သော ခံနိုင်ရည်ရှိပြီး အထွေထွေ အစီအမံများကို ချမှတ်ခြင်းဖြင့် ဝင်ငွေနှင့်သုံးငွေ ညီမျှမှု ဖော်ဆောင်စေ၍ ယခုနှစ်ဘတ်ဂျက် ရည်မှန်းချက်ကို အကောင်အထည်ဖော်နိုင်မည်ဖြစ်ကြောင်း ပြောကြားခဲ့ပါသည်။
