“ငှက်တို့ဇာမဏီ”

တရုတ်လူမျိုးတို့ရဲ့ ရိုးရာယဉ်ကျေးမှုတစ်ခုဖြစ်တဲ့ နှဲတီးမှုတ်တဲ့ပညာရပ်ကို ခေတ်တွေဘယ်လိုပဲ ပြောင်းလဲလာပါစေ မျိုးဆက်အဆင့်ဆင့် လက်ဆင့်ကမ်းထိန်းသိမ်းလာခဲ့တဲ့ အကြောင်းကို ရိုက်ကူးပုံဖော်ထားတဲ့ ဇာတ်ကားပဲဖြစ်ပါတယ်။ ဒီဇာတ်ကားဟာ ရုပ်ရှင်ပွဲတော်အသီးသီးမှ ပေးအပ်တဲ့ ထူးချွန်ဆု လေးဆုအထိ ရရှိထားတာပဲဖြစ်ပါတယ်။ အသုဘဈာပနကျင်းပတဲ့အခါ ကွယ်လွန်သူရဲ့ တစ်ဘဝတာအပေါ် မူတည်ပြီး တီးမှုတ်တဲ့တေးသွား အပြောင်းအလဲရှိပုံတွေအပြင် နှဲဆရာကြီးက သူရဲ့ပညာတွေ ဆက်လက်လက်ခံမယ့် တပည့်ဖြစ်သူကို သတ်မှတ်ထားတဲ့ စံနှုန်းတွေနဲ့ ကိုက်ညီမှုရှိ မရှိ စမ်းသပ်ခဲ့ပုံတွေကို စိတ်ဝင်စားဖွယ်ခံစားကြည့်ရှုရမှာ ဖြစ်ပါတယ်။