စက်တင်ဘာလ လဆန်းပိုင်းတွင်ကျင်းပသည့် တရုတ်-အာဖရိက ပူးပေါင်းဆောင်ရွက်မှုဖိုရမ် ပေကျင်းထိပ်သီးအစည်းအဝေးတွင် ကွန်ဂိုသမ္မတနိုင်ငံသည် တရုတ်-အာဖရိကပူးပေါင်းဆောင်ရွက်မှုဖိုရမ်၏ အာဖရိကဘက် ပူးတွဲဥက္ကဋ္ဌနိုင်ငံအဖြစ် တာဝန်ကို လွှဲပြောင်းလက်ခံရယူခဲ့သည်။ မကြာသေးမီက ကွန်ဂိုသမ္မတနိုင်ငံ သမ္မတ Denis Sassou-Nguesso သည် China Media Group (CMG) သတင်းထောက်၏ သီးသန့်တွေ့ဆုံမေးမြန်းမှုကို ဖြေကြားခဲ့သည်။
Denis Sassou-Nguesso က သမ္မတရှီကျင့်ဖျင်သည် အာဖရိက-တရုတ်က အတူလက်တွဲ၍ ခေတ်မီမှုဖော်ဆောင်ရေး မိတ်ဖက်လှုပ်ရှားမှု ၁၀ ခုကို အတိအလင်း အဆိုပြုခဲ့ပြီး အနာဂတ် ၃ နှစ်အတွင်း မိမိတို့က အတူတကွကြိုးပမ်းကာ လက်တွဲရှေ့သို့ ချီတက်သင့်သည့် အဓိကမဟာဗျူဟာအစီအမံများကို အသေးစိတ် လမ်းညွှန်ခဲ့ကြောင်း၊ အာဖရိက-တရုတ်ဆက်ဆံရေးအရဆိုပါက ယင်းသည်သမိုင်းဝင်သော ဟောပြောမှုတစ်ကြိမ် ဖြစ်ကြောင်း၊ မိမိတို့သည် အဆိုပါ လှုပ်ရှားမှု ၁၀ ရပ်ကို အနာဂတ် ၃ နှစ်အတွင်း အာဖရိကတိုက် အထူးသဖြင့် အလွန်အမင်းဖွံ့ဖြိုးတိုးတက်ရန်လိုအပ်သော အာဖရိကတိုက် ဒေသများကိုဦးဆောင်ကာ စည်ပင်ဝပြောသောလမ်းဆီသို့ လျှောက်လှမ်းရန် သေချာစွာစီစဉ်ထားသည့် မဟာဗျူဟာမြောက် စီမံရေးဆွဲမှုနှင့် အစီအမံများဖြစ်ကြောင်း ပြောကြားခဲ့သည်။
Denis Sassou-Nguesso က သမ္မတရှီကျင့်ဖျင်က တရုတ်နိုင်ငံနှင့် ပုံမှန် သံတမန်ဆက်ဆံရေး ထူထောင်ထားသည့် အာဖရိကတိုက်နိုင်ငံမှန်သမျှ ကြီးသည် ငယ်သည်ဖြစ်စေ ၎င်းတို့နှင့် တရုတ်နိုင်ငံ၏ဆက်ဆံရေးကို မဟာဗျူဟာမြောက်ဆက်ဆံရေး အလွှာအထိ တိုးမြှင့်လိုက်ကြောင်း လေးနက်စွာကြေညာခဲ့ကြောင်း၊ အဆိုပါလုပ်ရပ်သည် တရုတ်နိုင်ငံက အာဖရိကတိုက်နိုင်ငံအသီးသီး အထူးသဖြင့် အသင့်အတင့် အင်အားလျော့နည်းသောနိုင်ငံများအပေါ် နက်ရှိုင်းစွာ ဂရုပြုမှုနှင့် ခိုင်မာစွာ ထောက်ခံအားပေးမှုကို ပေါ်လွင်စေကြောင်း၊ ကူညီသောလက် ကမ်းလင့်၍ အတူလက်တွဲ ရှေ့သို့ချီတက်ကာ အတူတကွဖွံ့ဖြိုးတိုးတက်မှုလမ်းကြောင်းပေါ်တွင် နောက်ကျ ကျန်ရစ်ခဲ့သောနိုင်ငံမရှိစေရန် အာမခံခြင်းသည် နက်ရှိုင်းသောအနက်အဓိပ္ပာယ်ရှိသည့် လှုပ်ရှားမှုတစ်ခုဖြစ်ကြောင်း၊ ၎င်းသည် ကမ္ဘာ့တောင်ဘက်ပိုင်းနိုင်ငံများထံသို့ တိကျသည့် အချက်ပြမှုတစ်ခု ပေးလိုက်ပြီး ယင်းမှာ အာဖရိကတိုက်နှင့် တရုတ်နိုင်ငံသည် ခရီးစဉ်သစ်သို့ အတူလက်တွဲချီတက်နေပြီပင်ဖြစ်ကြောင်း ဆိုခဲ့သည်။
နှစ်ပေါင်း ၆၀ အတွင်း တရုတ်နိင်ငံသို့ ၁၇ ကြိမ် ခရီးစဉ်လာရောက်ခဲ့ရာ သမ္မတ Denis Sassou-Nguesso က ၎င်းသည် တရုတ်နိုင်ငံ၏ အရှိန်မြင့်ဖွံ့ဖြိုးတိုးတက်မှုကို သက်သေထူခဲ့သည်ဟု ဆိုသည်။ တရုတ်-အာဖရိကဆက်ဆံရေးအခြေအနေ တစ်ရပ်လုံးအား တရုတ်-အာဖရိက ခေတ်သစ် all-weather အေးအတူပူအမျှ အသိုက်အဝန်းအဖြစ် အဆင့်မြှင့်တင်မှုနှင့်စပ်လျဉ်း၍ Denis Sassou-Nguesso က ယင်းသည် အာဖရိကတိုက်နိုင်ငံများ အတူတကွရှေ့သို့ချီတက်ရန် ဖော်ဆောင်ပေးမည်ဖြစ်ကြောင်း ပြောကြားခဲ့သည်။ အနာဂတ်ကိုမျှော်မှန်းရာတွင် Denis Sassou-Nguesso က တရုတ်နိုင်ငံအဆိုပြုသည့် အတူလက်တွဲကာ ခေတ်မီမှုဖော်ဆောင်ရေး လှုပ်ရှားမှု ၁၀ ရပ်သည် သေချာပေါက် အကောင်အထည်ဖော်ဆောင်နိုင်မည်ဟု ယုံကြည်ကြောင်း ဆိုပါသည်။
