စက်တင်ဘာလ ၂၀ ရက်နေ့က ကုလသမဂ္ဂ လုံခြုံရေးကောင်စီ၏ လက်ဘနွန်-အစ္စရေး အခြေအနေ အရေးပေါ် ဆွေးနွေးမှုတွင် ကုလသမဂ္ဂဆိုင်ရာ တရုတ်အမြဲတမ်းကိုယ်စားလှယ် Fu Cong က တရုတ်နိုင်ငံသည် လက်ဘနွန်-အစ္စရေး အခြေအနေ ပိုမိုဆိုးရွားသွားနိုင်မည်ကို အလွန် စိုးရိမ်မိကြောင်း ပြောကြားပြီး ဘက်အသီးသီး အားလုံးတို့ အနေနှင့် ကိုယ့်ကိုယ်ကို တတ်နိုင်သမျှ ထိန်းချုပ်ရန် ပန်ကြားခဲ့ပါသည်။
ကုလသမဂ္ဂ လုံခြုံရေးကောင်စီအနေ ဖြင့် လက်ဘနွန်-အစ္စရေး အခြေအနေ ဖြေလျှော့ရန်နှင့် အရှေ့အလယ်ပိုင်းဒေသ ငြိမ်းချမ်းတည်ငြိမ်ရေးကို ထိန်းသိမ်းရန်အတွက် လိုအပ်သမျှ လုပ်ဆောင်မှုများကို ပြုလုပ်ရန် နှင့် တတ်နိုင်သမျှ ကြိုးပမ်းဆောင်ရွက်ရန် တရုတ်နိုင်ငံက ထောက်ခံကြောင်း Fu Cong က ပြောကြားခဲ့သည်။
