ဝမ်ယိသည် ရုရှားပြည်ထောင်စုလုံခြုံရေး ကောင်စီ အတွင်းဝန် Sergey Kuzhugetovich Shoigu နှင့် တွေ့ဆုံ

တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဦးဆောင်အဖွဲ့ ကော်မတီဝင်၊ တရုတ်ကွန်မြူနစ်ပါတီ ဗဟိုကော်မတီ နိုင်ငံခြားရေးရာကော်မရှင်ရုံး ဥက္ကဋ္ဌ ဝမ်ယိ သည် စက်တင်ဘာလ ၁၀ ရက်နေ့က စိန့်ပီတာစဘတ်မြို့တွင် ရုရှားပြည်ထောင်စုလုံခြုံရေး ကောင်စီ အတွင်းဝန် Sergey Kuzhugetovich Shoigu နှင့် တွေ့ဆုံခဲ့ပါသည်။

    ထိုသို့တွေ့ဆုံရာတွင် ဝမ်ယိ က ယခုနှစ်အတွင်း တရုတ်-ရုရှားနှစ်ဦးနှစ်ဖက်တို့ သည် တရုတ်-ရုရှားနှစ်နိုင်ငံ သံတမန်အဆက်အသွယ် ထားရှိသည့် ၇၅ နှစ် ပြည့်မြောက် သည့် အစသစ်တွင် အဆင့်ဆင့်ကူးလူးဖလှယ်မှုများကို ထိန်းသိမ်းထားပြီး နှစ်နိုင်ငံထိပ်သီး ခေါင်းဆောင်များမှ ရရှိခဲ့သည့် အရေးကြီးသော သဘောတူညီမှုများကို အကောင်အထည် ဖော်ကာ တရုတ်-ရုရှားထာဝရအိမ်နီးချင်းခင်မင်ရင်းနှီးမှု၊ ဘက်စုံမဟာဗျူဟာမြောက်ညှိနှိုင်း ဆောင်ရွက်မှု၊ ပူးပေါင်းဆောင်ရွက်ပြီး အပြန်အလှန်အကျိုးရှိစေမှုတို့၏ နိုင်ငံရေးနှင့် လူမှုရေးအခြေခံအုတ်မြစ်ကို တစ်ဆင့်တက်ခိုင်မာလာစေခဲ့ကြောင်း ပြောကြားခဲ့ပါသည်။

    နှစ်ဦးနှစ်ဖက်တို့သည် ယူကရိန်းအကျပ်အတည်းနှင့်ပတ်သက်ပြီး အမြင်ချင်းဖလှယ်ခဲ့ ကြပါသည်။ Sergey Kuzhugetovich Shoigu သည် ရုရှားနိုင်ငံ၏ ရပ်တည်ချက်ကို ရှင်းလင်းဖော်ပြခဲ့ရာ တရုတ်နှင့် ဘရာဇီးနှစ်နိုင်ငံတို့မှ ပူးတွဲတင်ပြသော သဘောတူညီမှု ၆ ချက်ကို ကြိုဆိုကြောင်း၊ ၄င်းသဘောတူညီမှုများအား နိုင်ငံတကာအသိုင်းအဝိုင်း မှ ကျယ် ကျယ် ပြန့် ပြန့် လက်ခံကြသည်ကို မြင်လိုကြောင်း ပြောကြားခဲ့ပါသည်။