ဒေသစံတော်ချိန် စက်တင်ဘာလ ၉ ရက်နေ့ နေ့လယ်ပိုင်းအထိ တိုင်ဖုန်းမုန်တိုင်း Capricorn ကြောင့် ဗီယက်နမ်နိုင်ငံ၌ သစ်ပင်များ ပြိုလဲခြင်း၊ တောင်မြေ ပြိုကျခြင်းနှင့် ရေကြီးမှုများ ဖြစ်ပွားပြီး လူ ၅၉ ဦး သေဆုံးသွားကြောင်း China Media Group မှ သတင်းအရ သိရပါသည်။
စက်တင်ဘာလ ၇ ရက်နေ့က တိုင်ဖုန်းမုန်တိုင်း Capricorn သည် ဗီယက်နမ်နိုင်ငံ မြောက်ပိုင်းဒေသသို့ ဝင်ရောက်ခဲ့ပြီးနောက် ပျက်စီးမှု အမြောက်အမြား ဖြစ်စေခဲ့သည်။ တိုင်ဖုန်းမုန်တိုင်း Capricorn သည် တဖြည်းဖြည်း အားနည်းလာသော်လည်း ရေကြီးမှုနှင့် တောင်မြေပြိုကျမှု ကဲ့သို့သော ဘေးအန္တရာယ်များကို ဆက်လက် သတိထားရမည်ဖြစ်ကြောင်း ဗီယက်နမ် မိုးလေဝသဌာနက စက်တင်ဘာလ ၈ ရက်နေ့တွင် ထုတ်ပြန်ခဲ့သည်။
