သြဂုတ်လ ၂၆ ရက်နေ့က ကျင်းပသော တရုတ်နိုင်ငံခြားရေးဝန်ကြီးဌာန၏ ပုံမှန် သတင်းစာရှင်းလင်းပွဲတွင် ဖိလစ်ပိုင်သင်္ဘော သည် Sabina Shoal အနီးတစ်ဝိုက် ပင်လယ်ရပ်ဝန်းသို့ ကျူးကျော်ဝင်ရောက်ခဲ့ခြင်းနှင့် ပတ်သက်သည့် သတင်းထောက်၏ မေးမြန်းချက်ကို ဖြေကြားရာ၌ တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ လင်ကျန့် က Sabina Shoal သည် တရုတ်နိုင်ငံ နန်ရှားကျွန်းစု၏ အစိတ်အပိုင်း ဖြစ်သည်ဟု မိမိအနေဖြင့် ထပ်လောင်းအတည်ပြုပြောကြားလိုကြောင်း၊ သြဂုတ်လ ၂၅ ရက်နေ့က ဖိလစ်ပိုင်ငါးလုပ်ငန်းနှင့် ရေထွက်ပစ္စည်းအရင်းအမြစ် ဦးစီးဌာနမှ သင်္ဘောသည် တရုတ်နိုင်ငံ၏ ပြတ်ပြတ်သားသား ဆန့်ကျင်မှုနှင့် ထပ်ခါတလဲလဲ တားဆီးမှုများကို လျစ်လျူရှုပြီး တရုတ်နိုင်ငံ နန်ရှားကျွန်းစု Sabina Shoal အနီးတစ်ဝိုက်ပင်လယ်ရပ်ဝန်းသို့ တမင်သက်သက် ကျူးကျော်ဝင်ရောက်ကာ အခင်းဖြစ်ပွားရာနေရာတွင် တရားဥပဒေ စိုးမိုးရေးတာဝန်ကို ထမ်းဆောင်နေသည့် တရုတ်ပင်လယ်စောင့်ကြပ်ရေးရဲတပ်ဖွဲ့၏ သင်္ဘောကို အန္တရာယ်ရှိသည့် နည်းလမ်းဖြင့် တိုက်မိခဲ့သဖြင့် နှစ်ဦးနှစ်ဖက်တို့မှ သင်္ဘော များ တိုက်မိမှု၏ တာဝန်ကို ဖိလစ်ပိုင်နိုင်ငံသာ ယူရမည်ဖြစ် ကြောင်း၊ တရုတ်ပင်လယ် စောင့်ကြပ်ရေးရဲတပ်ဖွဲ့သည် ပြည်တွင်းဥပဒေနှင့် နိုင်ငံတကာဥပဒေအရ ဖိလစ်ပိုင် သင်္ဘောအား လိုအပ်သော ကိုင်တွယ်ဖြေရှင်းမှု ဆောင်ရွက်ချက်များကို ပြုလုပ်ခဲ့ရာ သက်ဆိုင်ရာ လုပ်ဆောင်မှုမှာ ပရော်ဖက်ရှင်နယ်ဖြစ်ပြီး ချုပ်ထိန်းကာ စံချိန်စံနှုန်းနှင့် ကိုက်ညီကြောင်း၊ လွန်ခဲ့သည့်ကာလတစ်ခုအတောအတွင်း ဖိလစ်ပိုင်နိုင်ငံသည် ပင်လယ်စောင့်ကြပ်ရေး သင်္ဘော များနှင့် အစိုးရသင်္ဘော များကို စေလွှတ်ပြီး Sabina Shoal အနီးတစ်ဝိုက်ပင်လယ်ရပ်ဝန်းသို့ အတင်းအဓ္ဓမ ကျူးကျော်ဝင်ရောက်ကာ Sabina Shoal Lagoonတွင် အချိန်ကြာရှည်စွာ သောင်တင်နေသော ဖိလစ်ပိုင် ပင်လယ်စောင့်ကြပ်ရေး သင်္ဘော အား ထောက်ပံ့ရေးပစ္စည်းများ ပို့ဆောင်၍ ရေရှည်တည်ရှိရန် ရှာကြံ ဆောင်ရွက်ခဲ့ကြောင်း၊ ဖိလစ်ပိုင်နိုင်ငံ၏ ထိုသို့ လုပ်ရပ်မှာ တရုတ်နိုင်ငံ၏ အချုပ်အခြာ အာဏာကို အပြင်းအထန်ကျူးကျော်ထိပါးပြီး တောင် ပင်လယ် ဆိုင်ရာ ဘက်အသီးသီးတို့၏ ဆောင်ရွက်ချက် ကြေညာစာတမ်းကို အပြင်းအထန် ချိုးဖောက်ကာ တောင်ပင်လယ်၏ ငြိမ်းချမ်းတည်ငြိမ်ရေးကို ဖျက်ဆီးခဲ့ခြင်း ဖြစ်ကြောင်း၊ တရုတ်နိုင်ငံအနေဖြင့် ဖိလစ်ပိုင် နိုင်ငံအား ကျူးကျော်ရန်စမှုများကို ချက်ချင်းရပ်စဲပြီး သက်ဆိုင်ရာ သင်္ဘောကို ရုပ်သိမ်းရန် တိုက်တွန်းကြောင်း၊ တရုတ်နိုင်ငံအနေနှင့် ဥပဒေအရ ဆောင်ရွက်ချက်များကို ဆက်လက် ပြုလုပ်မည် ဖြစ်ပြီး ကိုယ်တိုင်ပိုင်နက်နယ်မြေ အချုပ်အခြာအာဏာနှင့် အဏ္ဏဝါရေးရာ အခွင့်အရေးကို ကာကွယ်ထိန်းသိမ်းမည် ဖြစ်ကာ တောင်ပင်လယ်ဆိုင်ရာ ဘက်အသီးသီး တို့၏ ဆောင်ရွက်ချက် ကြေညာစာတမ်း၏ တည်ကြည်လေးနက်မှုကို ကာကွယ်ထိန်းသိမ်း မည် ဖြစ်ကြောင်း ပြောကြားခဲ့ပါသည်။
