၂၀၂၃ ခုနှစ် သြဂုတ်လ ၂၄ ရက်နေ့မှစပြီး ဂျပန်နိုင်ငံသည် နျူကလီးယား ညစ်ညမ်းရေ ပင်လယ်ထဲသို့ စွန့်ပစ်မှုကို ၇ ကြိမ်တိုင်တိုင် ပြုလုပ်ခဲ့ပြီ ဖြစ်ပြီး ဂျပန်ပြည်သူများနှင့် နိုင်ငံတကာ မိသားစုကြီးမှ ပြင်းပြင်းထန်ထန် ကန့်ကွက်နေခဲ့ကြသည်။ လက်ရှိတွင် အဋ္ဌမ အကြိမ် စွန့်ပစ်မှုကို ပြုလုပ်နေဆဲ ဖြစ်သည်။ တစ်နှစ်အတွင်း ဂျပန်မှ နျူကလီးယား ညစ်ညမ်းရေ ၆.၃ တန်ခန့် ပစိဖိတ် သမုဒ္ဒရာထဲသို့ ဝင်ရောက် စီးဆင်းခဲ့ပြီဟု သိရပါသည်။
ဂျပန် ရူပဗေဒပညာရှင်၊ ryukyus တက္ကသိုလ် ဂုဏ်ထူးဆောင် ပါမောက္ခ ယာဇာကီက China Media Groupမှ အင်တာဗျူးကို လက်ခံဖြေကြားရာတွင် ဂျပန်၏ ယင်းလုပ်ရပ်သည် နိုင်ငံတကာ ဂေဟစနစ် ပတ်ဝန်းကျင်နှင့် လူသားများ၏ အသက် လုံခြုံရေးအပေါ် အန္တရာယ်များ ဆက်တိုက် ဖြစ်စေနေကြောင်း ပြောကြားခဲ့သည်။
ဂျပန်နိုင်ငံက နျူကလီးယား ညစ်ညမ်းရေကို ပင်လယ်ထဲသို့ စတင် စွန့်ပစ်ခဲ့ချိန်တွင် ဂျပန် ပြည်သူလူထု ၃၀၀ ကျော် ပါဝင်သော တရားစွဲ ဆိုရေးအဖွဲ့သည် ဂျပန် အစိုးရအား တရားစွဲဆို ခဲ့ပြီး နျူကလီးယား ညစ်ညမ်းရေကို ပင်လယ်ထဲသို့ စွန့်ပစ်ရေး အစီအစဉ်ကို ဖျက်သိမ်းရန် တောင်းဆိုခဲ့ကြပါသည်။ တရားစွဲဆို မှုဆိုင်ရာ ရှေ့နေအဖွဲ့၏ ရှေ့နေ တစ်ဦး ဖြစ်သည့် ဟီရိုတာက တရားစွဲဆို ရေးအဖွဲ့တွင် ပိုမိုများပြားသော အင်အားများ ပါဝင်သွားမည် ဖြစ်ပြီး မိမိတို့သည် တရားစွဲဆို မှုကို နောက်ဆုံးအထိ ပြုလုပ်သွားမည်ဟု ပြောကြားခဲ့ပါသည်။
