၂၀၂၄ခုနှစ် သြဂုတ်လ ၁၆ ရက်နေ့က ဒိုမီနီကန်သမ္မတ Abinadel ၏ ဖိတ်ကြားချက်အရ တရုတ်နိုင်ငံသမ္မတ ရှီကျင့်ဖိန်၏ အထူးသံတမန်၊ စက်မှုနှင့် သတင်းအချက်အလက်နည်းပညာ ဝန်ကြီးဌာန ဝန်ကြီး ကျင်းကျွမ့်လွန်သည် ဒိုမီနီကန်နိုင်ငံ Santo Domingoမြို့တွင် ကျင်းပသော ဒိုမီနီကန်သမ္မတ Abinadel ၏ သက်တမ်းသစ် ကျမ်းသစ္စာကျိန်ဆိုပွဲအခမ်းအနားသို့ တက်ရောက်ခဲ့ပြီး ၁၅ ရက်နေ့က Abinadel သည် ကျင်းကျွမ့်လွန်နှင့် သမ္မတရုံးတွင် တွေ့ဆုံနှုတ်ဆက်ခဲ့ပါသည်။
ကျင်းကျွမ့်လွန်က တရုတ်နိုင်ငံနှင့် ဒိုမီနီကန်နှစ်နိုင်ငံတို့သည် သံတမန်ဆက်ဆံမှု ထားရှိခဲ့သည့် ၆ နှစ်တွင် နှစ်ဖက်အကြား ဆက်ဆံမှုသည် ကျယ်ပြန့်စွာနှင့် လျင်မြန်စွာ ဖွံ့ဖြိုးတိုးတက်လာခဲ့ကြောင်း၊ တရုတ်နိုင်ငံအနေနှင့် ဒိုမီနီကန်သမ္မတနိုင်ငံနှင့် ပြတ်ပြတ်သားသားအပြန်အလှန် ထောက်ခံအားပေးရန်၊ လက်တွေ့ကျသော ပူးပေါင်းဆောင်ရွက်မှုများကို အဆင့်မြှင့်တင်ရန်၊ နှစ်နိုင်ငံအကြား ယဉ်ကျေးမှု ကူးလူးဖလှယ်မှုများ မြှင့်တင်ရန်၊ တရုတ်-ဒိုမီနီကန် ဆက်ဆံမှု ရလဒ်ကောင်းများ ပိုမို ရရှိစေရေးနှင့် နှစ်နိုင်ငံပြည်သူများအတွက် ချမ်းသာသုခများ ပိုမို ရရှိစေရေးကို တွန်းအားပေးရန် ဆက်လက်ကြိုးပမ်းဆောင်ရွက်သွားလိုကြောင်း ပြောကြားခဲ့ပါသည်။
Abinadel က တရုတ်နိုင်ငံနှင့် ဆက်ဆံရေး ဖွံ့ဖြိုးတိုးတက်မှုသည် ဒိုမီနီကန်နိုင်ငံအတွက် အထူးအရေးကြီးကြောင်း၊ နယ်ပယ်အသီးသီးတွင် တရုတ်နိုင်ငံနှင့် အပြန်အလှန်အကျိုးရှိစေသော ပူးပေါင်းဆောင်ရွက်မှုများကို ပိုမိုနက်ရှိုင်းလာစေရန်နှင့် နှစ်နိုင်ငံဆက်ဆံရေး ပိုမိုဖွံ့ဖြိုးတိုးတက်ရေးကို မြှင့်တင်ရန် မျှော်လင့်ကြောင်း ပြောကြားခဲ့ပါသည်။
