ဇူလိုင်လက ပြင်းထန်သောအပူရှိန်ကြောင့် ကမ္ဘာတစ်ဝှမ်းရှိ သန်းရာနှင့်ချီသောလူများကို ထိခိုက်စေခဲ့သည်ဟု ကမ္ဘာ့မိုးလေဝသအဖွဲ့ကဆို

ဇူလိုင်လအတွင်း အပူချိန်လွန်ကဲစွာ မြင့်မားလာမှုကြောင့် ကမ္ဘာတစ်ဝှမ်းရှိ သန်းရာနှင့်ချီသောလူများကို ထိခိုက်ခဲ့ပြီး လူ့အသိုင်းအဝိုင်းတွင် ကွင်းဆက်ဖြစ်ရပ်များ ဖြစ်ပေါ်စေခဲ့ကြောင်း ကမ္ဘာ့မိုးလေဝသအဖွဲ့မှ သတင်းထုတ်ပြန်ခဲ့သည်။

ကမ္ဘာ့မိုးလေဝသအဖွဲ့၏ ကိုးကားဖော်ပြချက်အရ အာရှနိုင်ငံများတွင် ဂျပန်နိုင်ငံ၏ ဇူလိုင်လ ပျမ်းမျှအပူချိန်သည် ၁၈၉၈ ခုနှစ် မှတ်တမ်းရှိခဲ့ပြီးနောက်ပိုင်း အမြင့်ဆုံးစံချိန်ကို ချိုးဖောက်ခဲ့သည်။ ဂျပန်နိုင်ငံ၏ ပူပြင်းသောရာသီဥတုသည် ဩဂုတ်လတွင် ဆက်လက်ဖြစ်ပွားဖွယ်ရှိသည်။ အိန္ဒိယနိုင်ငံသည်လည်း မှတ်တမ်းရှိခဲ့ပြီးနောက်ပိုင်း ၎င်း၏ ဒုတိယမြောက် အပူဆုံး ဇူလိုင်လကို တွေ့ကြုံခဲ့ရကြောင်း သတင်းအရ သိရှိရ သည်။