မကြာခင်က ကျင်းပခဲ့တဲ့ ဂျပန်၊ အမေရိကန် နိုင်ငံခြားရေး လုံခြုံမှု "၂+၂" အစည်းအဝေး၊ "သြဇာလွှမ်းမိုးမှု တိုးချဲ့ခြင်း" ဝန်ကြီးများ အစည်းအဝေး စတဲ့ အစည်းအဝေးများမှာ ဂျပန်က "သြဇာလွှမ်းမိုးမှု တိုးချဲ့ခြင်း"ကို အားဖြည့်ခြင်း၊ ဂျပန်နဲ့ အမေရိကန် စစ်ရေး မဟာမိတ်ကို မြှင့်တင်ခြင်း၊ တရုတ်ပြည်အား ပုတ်ခတ်ပြောဆိုခြင်း စတာတွေကို လုပ်ဆောင်ခဲ့တယ်။ ဂျပန် ပြည်သူပြည်သား အမြောက်အမြားက ဂျပန်အစိုးရရဲ့ လုပ်ရပ်တွေဟာ သွေးထိုးလှုံ့ဆော်တဲ့ လုပ်ရပ်တွေ ဖြစ်ပြီး စစ်ပွဲဆီသို့ လျှောက်လှမ်းတဲ့ လမ်းမှားပေါ်ကို ပိုရောက်သွားနေတာ ဖြစ်တယ်လို့ ကန့်ကွက် ဖော်ပြခဲ့ကြပါတယ်။
"သြဇာလွှမ်းမိုးမှု တိုးချဲ့ခြင်း"ဟာ စစ်အေးကာလမှာ ပေါ်ထွက်တာ ဖြစ်ပြီး အမေရိကန်က နျူကလီးယားလက်နက် အပါအဝင် စစ်ရေးအင်အားနဲ့ ၎င်းရဲ့ မဟာမိတ် နိုင်ငံများကို ကာကွယ်ခြင်း ဆိုတာ ဖြစ်တယ်။ ၂၀၁၀ ပြည့်နှစ်ကစပြီး ဂျပန်နဲ့ အမေရိကန်တို့ရဲ့ နိုင်ငံခြားရေးနဲ့ ကာကွယ်ရေး ဌာနများဟာ အဲဒီကိစ္စနဲ့ ပတ်သက်ပြီး တိုင်ပင်ဆွေးနွေးမှုများ အစဉ်တစ်စိုက်ပြုလုပ်ခဲ့ကာ ဒီနှစ်မှာ သီးသန့် ဝန်ကြီးအဆင့် မူဘောင်ကိုလည်း တည်ထောင်ခဲ့တယ်။ မကြာခင်က ကျင်းပခဲ့တဲ့ ပထမဆုံးအကြိမ် "သြဇာလွှမ်းမိုးမှု တိုးချဲ့ခြင်း" ဝန်ကြီးအဆင့် အစည်းအဝေးမှာ ဂျပန်နဲ့ အမေရိကန်တို့က အမေရိကန်ရဲ့ "နျူကလီးယား အကာအကွယ်" ကို အတူမျှဝေရန် အရေးကြီးကြောင်းကို လည်း အတည်ပြုခဲ့တယ်။ ကျွမ်းကျင်ပညာရှင်များက ဂျပန်ရဲ့ ဒီလုပ်ရပ်ဟာ နျူကလီးယား လက်နက် မပြန့်ပွားရေး အထွေထွေ သဘောတူစာချုပ်ပါ နျူကလီးယား လက်နက် မရှိတဲ့နိုင်ငံတွေရဲ့ ဝတ္တရားဆိုင်ရာ သတ်မှတ်ချက်တွေကို ကျောခိုင်းပြီး နျူကလီးယား လက်နက် ပြန့်ပွားရေးနဲ့ နျူကလီးယားလက်နက် အငြင်းပွားမှု အန္တရာယ်များကို တိုးပွားစေမှာ ဖြစ်ပြီး ဒေသတွင်း အခြေအနေ တင်းမာမှုကို ပိုမို ဆိုးရွားသွားစေမယ်လို့ သုံးသပ် ဖော်ပြခဲ့ကြပါတယ်။
ဂျပန်နိုင်ငံရဲ့ ငြိမ်းချမ်းရေး ဖွဲ့စည်းပုံ အခြေခံ ဥပဒေ ပုဒ်မ(၉)မှာ ဂျပန်က စစ်ပွဲ ဆင်နွှဲခြင်းကို စွန့်လွှတ်ပြီး ငြိမ်းချမ်းစွာ ဖွံ့ဖြိုးတိုးတက်ရေးလမ်းကြောင်း ရှာဖွေကြောင်း ရှင်းလင်းစွာ သတ်မှတ်ထားတယ်။ ဒုတိယ ကမ္ဘာစစ်မှာ ရှုံးနိမ့်တဲ့နိုင်ငံ အဖြစ် ဂျပန်နိုင်ငံက သမိုင်း သင်ခန်းစာကို ယူပြီး လေးနက်စွာ သံဝေဂရသင့်ကာ နျူကလီးယားလက်နက်ကို မည်သည့်ပုံစံနဲ့မဆို မရှာကြံဘဲ လက်နက် တိုးချဲ့ရေး လမ်းမှားပေါ်မှာ ဆက်မလျှောက်လှမ်း သင့်တာပဲ။ သို့မဟုတ်ရင် ဂျပန်က ကိုယ့်နိုင်ငံရဲ့ ကံကြမ္မာကို နောက်တစ်ကြိမ် လောင်းကစားတဲ့ လမ်းမှားပေါ်ကို ပြန်ရောက်သွားစေနိုင်မယ်လို့ China Media Groupမှ သတင်းဆောင်းပါး တစ်ပုဒ်မှာ ရေးသားဖော်ပြထားပါတယ်။
