China Media Groupနှင့် စပိန် နိုင်ငံ La Ligaတို့သည် ဒေသ စံတော်ချိန် ယခုလ ၂၉ရက်နေ့က စပိန် နိုင်ငံ မက်ဒရစ် မြို့တော်တွင် ပူးပေါင်းဆောင်ရွက်မှု နက်ရှိုင်းစေရေး စာချုပ်ကို လက်မှတ်ရေးထိုး ချုပ်ဆိုခဲ့ကြပါသည်။ နှစ်ဖက်တို့သည် လုပ်ငန်း ကူးလူးဖလှယ်မှု၊ ပြိုင်ပွဲ ပူးပေါင်းကျင်းပခြင်း၊ လူငယ် ဘောလုံး ဖွံ့ဖြိုးတိုးတက်မှု အားပေးခြင်း စသည့် နယ်ပယ်များတွင် သဘောတူညီမှု ရရှိခဲ့ကြပါသည်။ တရုတ် ကွန်မြူနစ်ပါတီ ဗဟို ကော်မတီ ပြန်ကြားရေး ဝန်ကြီးဌာန ဒုတိယ ဝန်ကြီး၊ China Media Group ဥက္ကဋ္ဌ Shen Haixiongနှင့် La Liga ဥက္ကဋ္ဌ Javier Tebasတို့သည် စာချုပ်တွင် လက်မှတ်ရေးထိုး ခဲ့ပါသည်။
Shen Haixiongက အားကစား နယ်ပယ်၌ ကူးလူးဖလှယ်မှုနှင့် ပူးပေါင်းဆောင်ရွက်မှု သည် တရုတ်-စပိန် ဆက်ဆံမှု ဖွံ့ဖြိုးတိုးတက်ရေးတွင် အဖိုးတန်သော ကြွယ်ဝမှု ဖြစ်ကြောင်း၊ စပိန်နိုင်ငံ၏ ရင့်ကျက်ပြီး ပြည့်စုံသော ပရော်ဖယ်ရှင်နယ် ဘောလုံး ဖွံ့ဖြိုးတိုးတက်ရေး စနစ်သည် ကမ္ဘာ အတွက် သက်ဆိုင်ရာ လူရည်ချွန်များစွာကို ပြုစုပျိုးထောင်ခဲ့ကြောင်း၊ မကြာခင်က စပိန် အမျိုးသား ဘောလုံး အသင်းမှ Euro Cup ချန်ပီယံဆုကို ထပ်မံ ဆွတ်ခူး ရရှိခြင်းသည် ၄င်းစနစ်၏ အောင်မြင်ခြင်း အတွက် သက်သေ အထောက်အထား နောက်တစ်ခု ဖြစ်ကြောင်း ပြောကြားခဲ့ပါသည်။
Javier Tebasက ယခု အကြိမ် ပူးပေါင်းဆောင်ရွက်မှု နက်ရှိုင်စေရေး စာချုပ် ချုပ်ဆိုခြင်းသည် စပိန်-တရုတ် ဘောလုံး ယဉ်ကျေးမှုများ အကြား နက်ရှိုင်းစွာ ပေါင်းစပ်မှု တစ်ခု ဖြစ်သည့် အပြင်၊ နှစ်နိုင်ငံ အားကစားနှင့် ယဉ်ကျေးမှု ကူးလူးဖလှယ်ရေး အတွက် အရေးကြီး မှတ်တိုင်လည်း ဖြစ်ကြောင်း ပြောကြားခဲ့ပါသည်။
