ဒေသစံတော်ချိန် ဇူလိုင်လ ၂၉ ရက်နေ့က ပါလက်စတိုင်း အစ္စလာမ္မစ် ခုခံရေး လှုပ်ရှားမှုအဖွဲ့ (ဟားမတ်စ်) က ကြေညာချက်တစ်ရပ် ထုတ်ပြန်ခဲ့ရာ အမေရိကန် တင်ပြထားသော ဂါဇာဒေသ အပစ်အခတ် ရပ်စဲရေး အဆိုပြုချက် နှင့်ပတ်သက်ပြီး အစ္စရေး ဝန်ကြီးချုပ် နေတန်ယာဟု က အချက်အလက်နှင့် တောင်းဆိုချက် အသစ်များကို တင်ပြခြင်းသည် နေတန်ယာဟုက သဘောတူညီချက် ရရှိရေးကို ရှောင်ရှားရန် အချိန်နှောင့်နှေးနေခြင်းကို ပြသကြောင်း ဖော်ပြထားသည်။
ဇူလိုင်လ ၂၉ ရက်နေ့ ညပိုင်းက အစ္စရေးဝန်ကြီးချုပ်ရုံးသည် ဟားမတ်စ်၏ အစောပိုင်း ထုတ်ပြန်ချက်ကို ပြန်လည် တုံ့ပြန်ခဲ့ရာ ဟားမတ်စ် အဖွဲ့မှ ခေါင်းဆောင်များသည် အပစ်အခတ်ရပ်စဲရေး သဘောတူညီချက် ရရှိရေးကို အဟန့်အတား ပြုလုပ်ခြင်းဖြစ်ပြီး အစ္စရေးသည် အဆိုပြုချက်ထဲမှ အချက်အလက်များကို ပြောင်းလဲခြင်း သို့မဟုတ် အသစ် ထည့်သွင်းခြင်း မရှိကြောင်း ထုတ်ပြန်ပြောကြားခဲ့ သည်။
