ဒေသစံတော်ချိန် ဇူလိုင်လ ၂၅ ရက်နေ့ နံနက် ၇ နာရီတွင် ကွယ်လွန်သွားသော ဗီယက်နမ် ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူး ငုယင်ဖူထရွန်၏ နိုင်ငံတော်ဈာပနကို စတင်ခဲ့သည်။ ဝမ်းနည်းခြင်း အောက်မေ့ဖွယ် အခမ်းအနားကို ဗီယက်နမ်နိုင်ငံ ဟနွိုင်းမြို့တော်ရှိ အမျိုးသား ဈာပန ခန်းမဆောင်၊ ဟိုချီမင်းမြို့ရှိ လွတ်လပ်ရေး နန်းတော် (Independence Palace) နှင့် ငုယင်ဖူထရွန်၏ မွေးရပ်မြေဖြစ်သော Dong Hoi ရွာ တို့တွင် တစ်ပြိုင်နက် ကျင်းပခဲ့သည်။ နိုင်ငံတော် ဈာပနကို ၂၆ ရက်နေ့ မွန်းလွဲပိုင်းအထိ ကျင်းပမည်ဖြစ်သည်။
ဗီယက်နမ် ကွန်မြူနစ်ပါတီ ဗဟိုကော်မတီ ကျန်းမာရေးကော်မရှင်သည် ဗီယက်နမ် ကွန်မြူနစ် ပါတီ ဗဟိုကော်မတီ အထွေထွေအတွင်းရေးမှူး ငုယင်ဖူထရွန်သည် အသက် ၈၀ အရွယ်တွင် နာမကျန်းမှုဖြင့် ကွယ်လွန်သွားကြောင်း ၁၉ ရက်နေ့က ကြေညာခဲ့သည်။
