မောင်းသူမဲ့လေယာဉ် ၇၉ စင်းကို ပစ်ချခဲ့သည်ဟု ရုရှားဆိုပြီး ယူကရိန်းက ရုရှား၏ လေကြောင်းရန် ကာကွယ်ရေးစနစ်ကို ဖျက်ဆီးသည်ဟု ဖော်ပြ

ဇွန်လ ၂၅ရက်နေ့က ရုရှားကာကွယ်ရေးဝန်ကြီးဌာနမှ စစ်ပွဲအခြေအနေထုတ်ပြန်ချက်အရ ပြီးခဲ့သည့် တစ်ရက်တွင် ရုရှားတပ်ဖွဲ့က ယူကရိန်း ခဲယမ်းမီးကျောက် သိုလှောင်ရုံများ၊ လက်နက် သိုလှောင်ရုံများ၊ ရေဒါများနှင့် အခြား ကိရိယာများနှင့် အဆောက်အအုံများကို ဖျက်ဆီးခဲ့ကြောင်း၊ ရုရှားလေကြောင်းရန်ကာကွယ်ရေးစစ်တပ်သည် ယူကရိန်းမောင်းသူမဲ့လေယာဉ် ၇၉ စင်းနှင့် ဟယ်မာစ် ဒုံးကျည် ၄လုံးကို ဖျက်ဆီးခဲ့ကြောင်း  သိရပါသည်။

ထိုနေ့တွင်ပင် ယူကရိန်းအမျိုးသားအစောင့်တပ်မှ သတင်းအချက်အလက်အရ ယူကရိန်းသည် ဟာလ်ခဖ်ဘက်သို့ ရုရှား၏ "Pantsir-S1" လေကြောင်းရန်ကာကွယ်ရေးစနစ် နှစ်ခု၏ တည်နေရာကို ရှာဖွေတွေ့ရှိခဲ့ပြီး ယူကရိန်း ဒုံးကျည်တပ်များမှ အဆိုပါ လေကြောင်းရန်ကာကွယ်ရေးစနစ်နှစ်ခုကို ဖျက်ဆီးခဲ့ကြောင်း ကြေညာခဲ့သည်။