အမေရိကန်နိုင်ငံ ကယ်လီဖိုးနီးယားမှာ တောမီး လောင်ကျွမ်းမှုနှစ်ကြိမ် ဖြစ်ပွားခဲ့ပြီး ယခုချိန်ထိ တောမီးကို မထိန်းနိုင်သေး

ဒေသစံတော်ချိန် ဇွန်လ ၁၆ ရက်နေ့ သတင်းအရ အမေရိကန်နိုင်ငံ ကယ်လီဖိုးနီးယား ပြည်နယ် လော့စ်အိန်ဂျလိစ်မြို့အနီးရှိ Tejon Pass တွင် ၁၅ ရက်နေ့ ညနေပိုင်းက တောမီး လောင်ကျွမ်းခဲ့ရာ စခန်းချနေထိုင်သူ လူပေါင်း ၁၂၀၀ ကျော်ကို ဘေးလွတ်ရာသို့ ရွှေ့ပြောင်းခိုင်းခဲ့ပြီး လော့စ်အိန်ဂျလိစ် အဓိကလမ်းကြောင်းဖြစ်သည့် အမှတ် ၅ လမ်းမကြီး ကိုလည်း တောမီးကြောင့် ပိတ်ပစ်လိုက်ကြောင်း သိရသည်။ ကယ်လီဖိုးနီးယား မီးသတ်ဌာန၏ အဆိုအရ ဇွန်လ ၁၆ ရက်နေ့ နံနက်ပိုင်းအထိ မြေဧရိယာ ၄၄ ဒသမ ၅ စတုရန်းကီလိုမီတာကျော် မီးလောင်ကျွမ်းပြီး လက်ရှိအချိန်ထိ တောမီးကို မထိန်း နိုင်သေးဘဲ  မီးသတ်သမား ၃၀၀ ကျော်က မြေပြင်နှင့် ဝေဟင် တို့မှ မီးငြှိမ်း သတ်လျက် ရှိသည်ဟု သတင်းအရ သိရပါသည်။