“အဆင့်မြင့်တွေ့ဆုံမေးမြန်းမှု” အပြည်ပြည်ဆိုင်ရာ ကြက်ခြေနီကော်မတီ ဥက္ကဋ္ဌ Mirjana Spoljaric နှင့်သီးသန့်တွေ့ဆုံမေးမြန်းမှု

မကြာသေးမီက အပြည်ပြည်ဆိုင်ရာ ကြက်ခြေနီကော်မတီ ဥက္ကဋ္ဌ Mirjana Spoljaric သည် ဆွစ်ဇာလန်နိုင်ငံ ဂျီနီဗာမြို့၌ China Media Group ၏သီးသန့်တွေ့ဆုံမေးမြန်းမှုကို ဖြေကြားခဲ့သည်။ Mirjana Spoljaric သည် ယမန်နှစ် ဒီဇင်ဘာလတွင် ဂါဇာဒေသသို့ သွားရောက်ပြီးနောက် “အရာအားလုံးပြိုလဲနေသည်” ဟူသောစကားဖြင့် အဆိုပါဒေသ အခြေအနေကို ပုံဖော်ပြောကြားခဲ့သည်။ Mirjana Spoljaric က လူသားချင်းစာနာထောက်ထားမှု ကူညီကယ်ဆယ်မှုသည် ပဋိပက္ခများဆိုးရွားလာမှုကို ယာယီရပ်တန့်စေသည့်ခလုတ်ဖြစ်နိုင်ကြောင်း၊ သို့သော်လည်း ငြိမ်းချမ်းရေး၊ ဖွံ့ဖြိုးတိုးတက်မှု၊ ပြည်သူများလူနေမှုဘဝ လမ်းကြောင်းမှန်ပေါ်သို့ပြန်လည်ရောက်ရှိစေရေး တို့ကသာလျှင် လူသားချင်းစာနာထောက်ထားမှုလုပ်ငန်း၏ နောက်ဆုံးရည်မှန်းချက်ပန်းတိုင်ဖြစ်ကြောင်း ပြောကြားခဲ့သည်။

ယမန်နှစ်စက်တင်ဘာလ တရုတ်နိုင်ငံခရီးစဉ်အကြောင်း ပြန်လည်ပြောကြားရာတွင် Mirjana Spoljaric က သမ္မတရှီကျင့်ဖိန်သည် လူသားချင်းစာနာထောက်ထားမှု လုပ်ငန်းအပေါ် နားလည်သိရှိမှုသည် နက်ရှိုင်း၍ ဆုံးဖြတ်ချက်ခိုင်မာသောကြောင့် သူမ ချီးကျူးအံ့ဩရကြောင်း၊ တရုတ်နိုင်ငံက နိုင်ငံတကာ လူသားချင်းစာနာထောက်ထားမှုလုပ်ငန်းအပေါ် အရေးပါအကျိုးထမ်းဆောင်မှုကို လွန်စွာချီးကျူးကြောင်း၊ တရုတ်နိုင်ငံနှင့်အတူ “Belt and Road” မူဘောင်အောက်တွင် ပူးပေါင်းဆောင်ရွက်မှုမြှင့်တင်၍ ကမ္ဘာကြီးငြိမ်းချမ်းရေးနှင့် ဖွံ့ဖြိုးတိုးတက်မှုကို အတူတကွကူညီပေးရန် မျှော်လင့်ကြောင်း ပြောကြားခဲ့သည်။