ယူကရိန်းအကျပ်အတည်းကို နိုင်ငံရေးနည်းလမ်းဖြင့် အမြန်ဆုံး ကိုင်တွယ်ဖြေရှင်းရန် တရုတ်ကိုယ်စားလှယ် ပန်ကြား

ယူကရိန်းအခြေအနေနှင့် ပတ်သက်သော ကုလသမဂ္ဂလုံခြုံရေးကောင်စီ၏ တံခါးဖွင့် အစည်းအဝေးကို မေလ ၂၀ ရက်နေ့က ကျင်းပခဲ့ပါသည်။ ကုလသမဂ္ဂဆိုင်ရာ တရုတ် ဒုတိယအမြဲတမ်းကိုယ်စားလှယ် Geng Shuang သည် အစည်းအဝေးသို့ တက်ရောက်ပြီး မိန့်ခွန်းပြောကြားရာတွင် တရုတ်နိုင်ငံအနေဖြင့် သက်ဆိုင်ရာဘက်အသီးသီးတို့အား ယူကရိန်းအကျပ်အတည်းကို နိုင်ငံရေးနည်းလမ်းဖြင့် အမြန်ဆုံး ကိုင်တွယ်ဖြေရှင်းရန် ပန်ကြားခဲ့ပါသည်။
    တရုတ်နိုင်ငံမှ ရုရှား-ယူကရိန်းအချင်းပွားမှုတွင် ရုရှားနိုင်ငံအား စစ်လက်နက်ပစ္စည်း များ ထောက်ပံ့ပေးခြင်းဟူသော အမေရိကန်နိုင်ငံ၏ အကြောင်းမဲ့ ပြစ်တင်မှုကို တုံ့ ပြန်ပြောဆိုရာတွင် Geng Shuang က တရုတ်နိုင်ငံသည် ယူကရိန်းအကျပ်အတည်းကို ဖန်တီးသူ မဟုတ်ကြောင်း၊ ပါဝင်သူလည်း မဟုတ်ကြောင်း၊ အချင်းပွားမှုတွင် မည်သည့် ပါဝင်သူကိုမဆို သေစေနိုင်သောလက်နက်များ ထောက်ပံ့ခြင်း မရှိကြောင်း ပြောကြားခဲ့ပါသည်။