အစ္စရေး ကာကွယ်ရေးဝန်ကြီးသည် အမေရိကန် နိုင်ငံခြားရေးဝန်ကြီးကို တယ်လီဖုန်းဖြင့် ဆက်သွယ်ပြီး အမေရိကန်၏ ပိတ်ဆို့အရေးယူမှုများကို ရှောင်ရှားရန် ကြိုးစားနေ

အစ္စရေးကာကွယ်ရေးဝန်ကြီး Yoav Gallantနှင့် စစ်ကာလ ကက်ဘိနက်အဖွဲ့ဝင် Benjamin Gantzတို့သည် ဒေသစံတော်ချိန် ဧပြီလ ၂၁ရက်နေ့ ညတွင် အမေရိကန် နိုင်ငံခြားရေးဝန်ကြီး Antony Blinkenကို တယ်လီဖုန်းဖြင့် ဆက်သွယ်ခဲ့ကြောင်း ဒေသစံတော်ချိန် ဧပြီလ ၂၂ ရက်နေ့ နံနက် အစောပိုင်းတွင် ထုတ်ပြန်သည့် “Times of Israel” သတင်းအရ သိရသည်။  တယ်လီဖုန်းဖြင့် ဆက်သွယ်ရာတွင် Galante နှင့် Gantz တို့သည် အစ္စရေး ကာကွယ်ရေး တပ်မတော်၏ ယူနစ်များအပေါ် ပိတ်ဆို့အရေးယူမှုများ မပြုလုပ်ရန် အမေရိကန်အား တောင်းဆိုခဲ့သော်လည်း အမေရိကန်၏ ရှင်းလင်းချက်တွင် အဆိုပါ အကြောင်းအရာကို ဖော်ပြထားခြင်း မရှိပေ။

ဂျော်ဒန်မြစ် အနောက်ဘက်ကမ်းရှိ ပါလက်စတိုင်းများအပေါ် အကြမ်းဖက်မှု ကျူးလွန်သည်ဟု သံသယရှိသည့်  Netzah Yehuda  Battalionကို အမေရိကန်သည် ပိတ်ဆို့အရေးယူမည်ဟု အစောပိုင်းတွင် အမေရိကန်မီဒီယာများက ဖော်ပြခဲ့သည်။