ဖေဖော်ဝါရီလ ၁ ရက်နေ့က ကမ္ဘောဒီးယားနိုင်ငံ Siem Reap Angkor အပြည်ပြည်ဆိုင်ရာလေဆိပ်တွင် China Media Group ၏ နဂါးနှစ်နွေဦးပွဲတော် ပဒေသာကပွဲ ပရိုမိုးရှင်းဗီဒီယိုကို ထွှတ်လွှင့်ပြသခဲ့သည်။ ယင်းသည် China Media Group ၏နွေဦးပွဲတော် ပဒေသာကပွဲ ပရိုမိုးရှင်းဗီဒီယိုကို ၎င်းလေဆိပ်၌ ပထမဆုံးအကြိမ် ပြသခြင်းဖြစ်သည်။ အထူးဧည့်သည်တော်အနေနှင့် ကမ္ဘောဒီးယားတော်ဝင်မိသားစုမှ မင်းသမီး Norodom Jenna သည် ခရီးသည်များအား နွေဦးပွဲတော် ပဒေသာကပွဲ ၏ ယဉ်ကျေးမှုနှင့် တီထွင်ဖန်တီးမှုဆိုင်ရာ ထုတ်ကုန်များကို ပြသပြီး နွေဦးပွဲတော်ယဉ်ကျေးမှုကို ၎င်းတို့အား ရှင်းပြခဲ့သည်။ မင်းသမီး Jenna က နွေဦးပွဲတော်သည် တရုတ်နိုင်ငံတွင် အရေးကြီးဆုံးပွဲတော်ဖြစ်ပြီး နဂါးသည် တရုတ်ယဉ်ကျေးမှု၏ သင်္ကေတဖြစ်သည်ဟု ပြောကြားခဲ့ပါသည်။
Siem Reap Angkor အပြည်ပြည်ဆိုင်ရာလေဆိပ်ကို ၂၀၂၃ ခုနှစ် အောက်တိုဘာလ ၁၆ ရက်နေ့တွင် တရားဝင်ဖွင့်လှစ်ခဲ့ပါသည်။ ၎င်းလေဆိပ်သည် တရုတ်ကုမ္ပဏီက ပြည်ပ၌ ရင်းနှီးမြှုပ်နှံမှု၊ ဆောက်လုပ်မှုနှင့် လုပ်ငန်းလည်ပတ်မှု ပုံစံဖြင့်ဆောင်ရွက်သော ပထမဆုံး နိုင်ငံတကာ လေဆိပ်ဖြစ်သည်။
