“ဂါဇာဒေသတွင် နှစ်သစ်မရှိပါ” ဂါဇာဒေသတွင် စစ်ရေးဆောင်ရွက်မှုများ ဆက်လက် ပြုလုပ်မည်ဟု အစ္စရေးတပ်ဖွဲ့ ဆို

၂၀၂၄ခုနှစ်၏ ပထမဆုံးနံနက်ဆည်းဆာ ပါလက်စတိုင်း ဂါဇာဒေသကို ဖုံးလွှမ်း ထားသောအချိန်တွင် စစ်ဘေးဒဏ်ခံနေရသော ၄င်းဒေသ၌ စစ်ပွဲဆင်နွှဲနေပါသေးသည်။ ဂါဇာဒေသကျန်းမာရေးဌာနမှ ဇန်နဝါရီလ ၁ရက်နေ့က ထုတ်ပြန်ခဲ့သည့် ကြေညာချက်တွင် လွန်ခဲ့သည့် ၂၄နာရီအတွင်းတွင် ပါလက်စတိုင်းနိုင်ငံသား ၁၅၆ဦးသည် အစ္စရေးနိုင်ငံ၏ စစ်ရေးဆောင်ရွက်မှုများတွင် သေဆုံးသွားပြီး ၂၄၆ဦး ဒဏ်ရာရရှိခဲ့ကြောင်း၊ ယခုအကြိမ် ပါလက်စတိုင်း-အစ္စရေးအချင်းပွားမှု ဖြစ်ပွားပြီးသည့်နောက် ဂါဇာဒေသတွင် ပါလက်စတိုင်း လူမျိုး ၂၁၉၇၈ ဦးထက်မနည်း သေဆုံးပြီး ၅၆၆၉၇ ဦးဒဏ်ရာရရှိခဲ့ကြောင်း ဖော်ပြထား ပါသည်။
    ဂါဇာဒေသတွင် အစ္စရေးတပ်ဖွဲ့၏ တိုက်ခိုက်မှုများကို နည်းလမ်းမျိုးစုံ၊ ပြင်းထန်မှုမျိုးစုံ၊ ပုံစံမျိုးစုံဖြင့် ဆက်လက်ပြုလုပ်မည် ဖြစ်ကြောင်း အစ္စရေးတောင်ပိုင်းစစ်ဦးစီးချုပ် Yaron Finkelman ၏ ပြောဆိုချက်ကို ကိုးကား၍ အစ္စရေးတိုင်းမ် သတင်းစာက ဇန်နဝါရီလ ၁ရက်နေ့က ရေးသားဖော်ပြခဲ့ပါသည်။