အမေရိကန်နိုင်ငံ ABC အသံလွှင့်ဌာန ချီကာဂို ချန်နယ်မှ ဒီဇင်ဘာလ ၁၀ ရက်နေ့က ထုတ်ပြန်သည့်သတင်းအရ လွန်ခဲ့သည့် သီတင်းပတ်ကုန်အတွင်း အမေရိကန်နိုင်ငံ ချီကာဂိုမြို့တွင် သေနတ်ပစ်ခတ်မှုများ ဖြစ်ပွားခဲ့ပြီး အနည်းဆုံး လူ ၂၀ ပစ်ခတ်ခံရကာ ၎င်းအနက် ၄ဦး သေဆုံးခဲ့ကြောင်း သိရပါသည်။ ချီကာဂိုရဲတပ်ဖွဲ့က ဒီဇင်ဘာလ ၈ရက်နေ့ ည ၉နာရီခန့်တွင် ချီကာဂိုတောင်ဘက်ရှိ လူနေရပ်ကွက်တစ်ခုမှာ အသက် ၁၈ နှစ်အရွယ် အမျိုးသားတစ်ဦး ပစ်သတ်ခံခဲ့ရကြောင်း၊ ထိုနေ့ ည ၁၀နာရီခန့်တွင် အသက် ၄၂ နှစ်အရွယ် အမျိုးသားတစ်ဦး ကားမောင်းနေစဉ် ဦးခေါင်းကို သေနတ်ပတ်ခံရ၍ သေဆုံးခဲ့ကြောင်း၊ ဒီဇင်ဘာလ ၉ရက်နေ့ ည ၁နာရီခန့်တွင် အမျိုးသား၃ဦးက လမ်းမပေါ်၌ အပြန်အလှန် ပစ်ခတ်ခဲ့ရာ အသက် ၄၄ နှစ်အရွယ် အမျိုးသားတစ်ဦး သေဆုံးပြီး ကျန်၂ဦး ဒဏ်ရာရရှိခဲ့ကြောင်း၊ ထိုနေ့ ည၉ နာရီခန့်တွင် အသက် ၃၂ နှစ်အရွယ် အမျိုးသားတစ်ဦး ရင်ဘတ်မှာ သေနတ်ဒဏ်ရာများဖြင့် ကားထဲတွင် သေဆုံးနေသည်ကို တွေ့ရှိခဲ့ကြောင်း ပြောကြားခဲ့ပါသည်။
ချီကာဂို၌ သီတင်းပတ်ကုန်တွင် သေနတ်ပစ်ခတ်မှုများဖြစ်ပွားသောကြောင့် အနည်းဆုံး လူ ၂၀ ပစ်ခတ်ခံရပြီး ၄ ဦး သေဆုံး
(GMT+08:00)2023-12-13 14:45:19
