ဖိလစ်ပိုင်နိုင်ငံ မာရာဝီမြို့တွင် ဖြစ်ပွားခဲ့သည့် ဗုံးပေါက်ကွဲမှုသည် အိုင်အက်စ် အဖွဲ့၏လုပ်ရပ်ဖြစ်ကြောင်း အိုင်အက်စ် ပြောကြား

အစွန်းရောက်အဖွဲ့အစည်းဖြစ်သည့် အိုင်အက်စ် သည် ဒီဇင်ဘာလ ၃ရက်နေ့က ဖိလစ်ပိုင်နိုင်ငံတောင်ပိုင်း မာရာဝီမြို့ Mindanao အစိုးရတက္ကသိုလ်တွင် ဖြစ်ပွားခဲ့ သည့် ဗုံးပေါက်ကွဲမှုသည်  သူတို့၏လုပ်ရပ်ဖြစ်ကြောင်း ပြောကြားခဲ့ပါသည်။

    ဖိလစ်ပိုင်နိုင်ငံ မာရာဝီမြို့ Mindanao အစိုးရတက္ကသိုလ် အားကစားရုံတွင် ဒီဇင်ဘာလ ၃ရက်နေ့ နံနက်ပိုင်းက ဗုံးပေါက်ကွဲမှု ဖြစ်ပွားခဲ့ရာ လူ ၄ ဦးသေဆုံးပြီး  အယောက် ၅၀ ဒဏ်ရာရရှိခဲ့သည်ဟု ဖိလစ်ပိုင်ရဲတပ်ဖွဲ့၏ နောက်ဆုံးထုတ်သတင်းအရ သိရပါသည်။